ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓯᐳᑲᒧ ᔫᓓ 12, 2018.- ᑯᐯᑉ ᑲᕙᒪᖓ, ᐊᕐᖁᑎᒋᑦᓱᒍ Fonds d’appui au rayonnement des regions (FARR) ᑐᓴᕐᑎᓯᓯᒪᓕᕐᑐᖅ ᑮᓇᐅᔭᑎᒍᑦ ᐃᑲᔪᕐᓯᐅᑎᐅᓚᖓᔪᓂᒃ $449 000$-ᓂᒃ ᑲᔪᓯᑎᑕᐅᑎᓪᓗᒋᒃ ᒪᕐᕈᐃᒃ ᐱᓇᓱᒑᒃ ᓄᓇᕕᒻᒥ. ᑖᒃᑯᐊ ᓴᐳᑦᔨᒍᑏᑦ ᐱᓯᒪᔪᑦ ᐅᑯᓇᖕᖓᑦ Stratégie gouvernementale pour assurer l’occupation et la vitalité des territoires 2018-2022.

ᓈᓭᒪᒍᑏᑦ ᓂᐅᕕᐊᑦᓴᓂᒃ ᐃᓚᐅᒍᓐᓇᑐᓂᒃ ᓂᕿᓄᑦ ᐊᓯᖏᓐᓄᓗ ᐱᓪᓗᑐᕆᐊᓕᓐᓄᑦ ᐃᑲᔪᕐᓯᒍᑏᑦ ᐊᑖᒍᑦ ᐱᐅᓯᒋᐊᕐᑕᐅᓯᒪᓕᕐᑐᑦ ᐃᑯᓪᓚᐅᒥᑎᑦᓯᓱᑎᒃ ᐊᑭᖏᓐᓂᒃ ᐊᓯᒋᐊᓪᓚᖏᓐᓄᑦ ᓂᕿᓄᑦ ᐊᒻᒪᓗ ᓂᕿᐅᒐᑎᒃ ᐱᓪᓗᑐᕆᐊᓕᓐᓄᑦ ᓂᐅᕕᐊᑦᓴᓄᑦ ᓂᐅᕕᕐᕕᓂ ᓇᓂᑐᐃᓐᓇᖅ ᑕᒫᓂ ᓄᓇᖁᑎᓕᒫᒥ.

ᐊᓯᑦᔨᑐᑦ ᐃᒻᒧᐊᓂ, 30%-ᓄᑦ ᐊᑭᑭᓪᓕᒋᐊᕈᑎ ᐊᑐᖃᑦᑕᓂᐊᓕᕐᑐᖅ ᓄᑖᕕᓂᓕᒫᓄᑦ ᓰᕐᓇᑐᓄᑦ ᐊᒻᒪᓗ ᐱᕈᕐᑐᓄᑦ. ᓱᓕᒋᐊᓪᓚᒃ, ᓂᐅᕕᐊᑦᓭᑦ ᐃᓚᐅᔪᑦ ᐊᒥᓱᐃᓕᖓᔪᑦ ᓂᐅᕕᐊᑦᓴᓂᒃ ᐊᕕᑦᑐᐃᒪᒍᑏᑦ ᐊᑖᓂ ᐃᓚᒋᐊᕐᓯᒪᓕᕐᒥᔪᑦ ᖃᓗᓯᓕᕐᓱᑎᒃ ᐃᓘᓐᓀᓂᒃ ᐊᒥᒉᓈᕈᑎᓕᒫᓂᒃ ᐊᒻᒪᓗ ᓂᐅᕕᐊᑦᓴᓕᐅᕐᑎᓕᒫᓂᒃ.

ᑲᑎᕕᐅᑉᐳᓖᓯᖏᑦᑲᔪᓯᑎᑦᓯᓯᒪᓕᕐᑐᑦᐯᓯᑰᕐᑎᓯᓂᕐᒥᒃᓄᓇᓕᓐᓂᓄᓇᕕᒻᒥᐱᕙᓪᓖᒋᐊᕈᑎᒋᑦᓱᒋᑦᑎᒥᒃᑯᑦᐃᙯᓕᓴᕐᓂᒥᒃᐊᒻᒪᓗᐊᕐᖁᑎᒥᐊᑦᑕᓀᑦᑐᒦᓐᓂᒥᒃ

ᔪᓓ 3-ᒥ ᐊᒻᒪᓗ 4-ᒥ, ᑲᑎᕕᐅᑉ ᐳᓖᓯᖏᑦ ᒪᕐᕈᐃᓂᒃ ᐃᓕᒃᑰᑑᓐᓂᒃ ᕿᓈᔭᕈᓐᓇᐅᑎᑖᓚᐅᔫᑦ, ᑎᒍᔨᓐᓂᓱᑎᒃ ᐊᒥᓱᓂᒃ ᐱᖁᔭᕐᓂᒃ ᓯᖁᒥᑦᓯᒍᑕᐅᔪᓂᒃ ᐃᒥᐊᓗᓐᓂᒃ ᐊᑯᓕᕕᒻᒨᑐᑦᓴᓕᐊᒍᓯᒪᔪᓂᒃ. ᒪᕐᕉᒃ ᐃᓅᒃ ᐸᓯᔭᑦᓴᖑᓚᐅᔫᒃ.

ᑲᑎᓂᓖᑦ ᒃ ᐱᓯᒪᔪᑦ ᓄᓇᓕᓕᒫᓂ ᐊᒻᒪᓗ ᓄᓇᓕᓕᒫᓂ ᐃᓕᓐᓂᐊᑎᑦᓯᔨᐊᕈᐃᑦ ᑲᑎᒪᓚᐅᕐᑐᑦ ᑕᓪᓕᒪᐅᔪᕐᑑᒍᑎᖓᓂ ᐊᕐᕌᒍᑕᒫᕐᓯᐅᑎᒥ ᐊᐅᔭᒥ ᐱᖕᖑᐊᓂᕐᒧᑦ ᑕᑯᓐᓇᐅᔮᕐᑎᓯᒋᐅᕐᓴᓱᑎᒃ ᑲᔪᓯᑎᑕᐅᓚᐅᕐᑐᒥᒃ ᑫᐋᔩᑉ ᐱᖕᖑᐊᓂᓕᕆᕕᖓᓄᑦ. ᑕᑯᓐᓇᐅᔮᕐᑎᓯᒋᐅᕐᓴᓂᖅ ᐊᑑᑎᓚᐅᕐᑐᖅ ᔫᓂ 20-ᒥᑦ 28-ᒧᑦ ᑰᑦᔪᐊᒥ.