ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑐᓴᕋᑦᓴᑦ

ᑐᓴᕋᑦᓴᖅ : ᒫᓐᓇᓯᐅᑎᐅᓗᓂ ᑎᓕᔭᐅᔪᖅ - ᑲᒪᔨᒻᒪᕆᒃ

ᑰᒃᔪᐊᖅ, ᑯᐯᒃ, ᔮᓄᐊᕆ 23, 2012 - ᑭᖑᓂᖓᒍᑦ ᔫᐱ ᑕᕐᕿᐊᐱᒃ ᓄᕐᖃᓚᐅᕐᑎᓪᓗᒍ ᑲᒪᔨᒻᒪᕆᐅᑉ ᐃᓂᖓᓂᒃ ᑕᒡᒐᓂ ᑲᑎᕕᒃ ᓄᓇᓕᓕᒪᑦ ᑲᕙᒪᖓᓂᒃ (KRG), ᐃᓴᕕᐊᓪ ᐹᕆᔫ ᒫᓐᓇᓯᐅᑎᐅᑫᓐᓇᓚᖓᓗᓂ ᑎᓕᔭᐅᓚᐅᕐᑐᖅ ᐳᕐᑐᓂᕐᓭᑦ ᑲᑎᒪᔨᖏᓐᓄᑦ ᐃᓐᓄᐃᓯᒪᑫᓐᓇᓂᐊᕐᓗᓂ ᑖᑦᓱᒥᖓ ᐃᓂᒥ.

ᐊᑐᐊᕆᐊᓪᓚᒐᑦᓴᑦ...

ᖃᐅᔨᒍᒥᓇᕐᑐᖅ ᑕᑯᓐᓇᑕᐅᒍᓯᖓ ᐅᑭᐅᕐᑕᑐᒥ ᓂᐅᕐᕈᑐᓕᕆᓂᐅᑉ

ᐅᒥᐅᔭᖅ, ᑯᐯᒃ, ᔮᓄᐊᕆ 13, 2012 / ᕋᓇᐱ Tᕿᓗᑕᕿᖃ ᔭ - ᕿᒥᕐᕈᑎᑦᓯᓂᐅᑉ ᐃᓱᓕᓂᖓᓂ ᔦᒥᔅᐯᒥᑦ, ᐄᔪ ᐃᐊᑦᒡᓰᒥᑦ ᐊᒻᒪᓗ ᓄᓇᕕᐅᑉ ᓄᓇᖓᓂᑦ, ᑖᓐᓇ ᓂᐅᕐᕈᑐᓕᕆᓂᕐᒧᑦ ᑐᕐᖃᑕᕐᕕᐅᔪᖅ, ᒥᔅ ᓂᑯᓪ ᒥᓈ, ᐊᒻᒪᓗ ᑐᕐᖃᑕᕐᕕᒃ ᐱᕈᕐᓭᓂᓕᕆᓂᕐᒧᑦ, ᐃᖃᓗᓐᓂᐊᓂᕐᒧᑦ ᐊᒻᒪᓗ ᓂᕿᓕᕆᓂᕐᓄᑦ ᑯᐯᑉ ᑕᕐᕋᖓᓄᑦ ᑐᕐᖃᑕᕐᕕᐅᔪᖅ, ᒥᔅᑕ ᐱᐊᕐ ᑰᕐᕕᐊᓪ, ᓄᐃᑕᑦᓯᓚᐅᕐᖂᒃ ᖁᓚᕆᔭᖃᙱᓂᕐᒥᓂᑦ ᓄᑖᑉ ᓯᓚᕐᔪᐊᒥᐅᑦ ᐃᓚᒋᓂᐊᓕᕐᑕᖓᓂᒃ ᓂᐅᕐᕈᑐᓕᕆᓂᕐᒥᑦ ᑐᕌᖓᑎᑕᐅᒍᑎᓕᒻᒥᒃ ᑕᒪᑦᓱᒪ 49 ᐃᑳᖓᔫᑉ ᖁᓛᖓᓂ. "ᖃᐅᔨᕙᓪᓕᐊᓂᕋᒍᑦ ᑕᒪᑦᓱᒥᖓ ᓄᓇᖃᕐᕕᒥᒃ, ᐅᑉᐱᕆᔭᖃᕐᐸᓪᓕᐊᑐᐃᓐᓇᓚᐅᖁᖓ ᓂᐅᕐᕈᑐᓕᕆᓂᕐᒥᑦ ᐱᕕᑦᓴᖃᑦᓯᐊᓂᕐᒥᒃ ᑕᒫᓂ ᓄᓇᖃᕐᕕᓂ. ᐊᔪᒉᑦᑐᒪᕆᒻᒥᒃ ᐊᓕᐊᓇᕐᑐᒥᒃ ᑐᙵᓱᑦᑎᑕᐅᑦᓱᑕᓗ ᐊᒻᒪᓗ ᑭᓇᒃᑯᓕᒫᑦᓯᐊᓂᒃ ᑌᒫᕌᓗᒃ ᖃᐅᔨᔭᖃᕈᓐᓇᕋᓗᐊᕐᖁᖅ. ᑯᐯᑉ ᑕᕐᕋᖓ ᐊᑦᔨᐅᖏᑦᑐᓚᕆᒻᒥᒃ ᐃᓱᐊᖁᑎᐅᒍᓐᓇᑐᓂᒃ ᐱᑕᓕᒃ ᐳᓛᕆᐊᕐᑎᑕᐅᕙᓐᓂᐊᑐᓄᑦ ᕿᓂᓲᓂᒃ ᐱᐅᓯᕐᓲᑎᓪᓚᕆᓕᓐᓂᒃ ᐊᒻᒪᓗ ᐊᑑᑎᔭᐅᓯᒪᙱᑐᓂᒃ ᑕᕐᙯᕐᓯᓂᖃᕆᐊᕐᑐᑐᓂᒃ," ᑐᕐᖃᑕᕐᕕᒃ ᒥᓈᕐ ᐅᖃᓚᐅᕐᖁᖅ.

ᐊᑐᐊᕆᐊᓪᓚᒐᑦᓴᑦ...

ᑐᓴᕐᑕᐅᒋᐊᓕᓐᓂᒃ ᑐᓴᕐᑎᓯᐅᑎ: ᑕᕐᕋᓕᔮᖅ ᐸᕐᓀᒍᑎᖃᕐᓂᒥᒃ ᐊᑦᑕᓈᕿᑦᑌᓕᓂᕐᒥᓗ ᓄᓇᕕᐅᑉ ᒥᕐᖑᐃᓯᕐᕕᖏᓐᓂ

ᓄᐃᑕᕕᓂᖅ 2004-ᒥ, ᑖᓐᓇ ᐱᖑᐊᓗᓐᓂ ᒥᕐᖑᐃᓯᕐᕕᒃ ᓯᕗᓪᓕᐸᐅᑦᓱᓂ ᒥᕐᖑᐃᓯᕐᕕᓚᕆᓕᐊᖑᒪᔪᖅ 55 ᐃᑳᖓᔫᑉ ᖁᓛᖓᓂ. ᑖᓐᓇᓗ ᒥᕐᖑᐃᓯᕐᕕᒃ ᑰᕈᕐᔪᐊᒥ ᐃᓚᒋᓕᐅᑎᓚᐅᕐᒥᔪᖅ 2009-ᒥ. ᒪᕐᕈᒋᐊᓪᓚᐅᒥᔫᒃ ᒥᕐᖑᐃᓯᕐᕕᓵᒃ ᒫᓐᓇᐅᑎᓪᓗᒍ ᓄᐃᑕᐅᕙᓪᓕᐊᒥᔫᒃ. ᑕᒡᒎᓇᓕ, ᐳᓛᕆᐊᖃᑦᑕᑐᐃᑦ ᐊᒥᓱᙳᐸᓪᓕᐊᑦᓱᑎᓪᓗ ᓯᕗᓪᓕᐹᒥ ᖃᐅᔨᑦᓴᐅᑎᒋᖅᑳᕈᒪᔪᒻᒪᕆᐅᕙᑉᐳᑦ ᐊᑦᔨᒋᔭᐅᙱᓚᕆᑦᑐᒥᒃ ᐱᐅᓯᑐᖃᕐᒧᐊᖓᔪᓂᑦ-ᖃᐅᔨᑎᑦᓯᒍᑎᐅᔪᓂᑦ ᑕᒫᓂ ᑖᕗᖓᑲᓪᓚᖅ ᓄᓇᒻᒪᕆᐊᓘᓐᓂ. ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᑎᓕᔭᐅᒪᐅᑎᖃᕐᖁᖅ ᐊᐅᓚᑦᓯᖃᑕᐅᔫᒋᐊᖃᕐᓂᒥᒃ ᑕᒪᑦᓱᒥᖓ ᓴᐳᒻᒥᔭᐅᓂᖃᓕᕐᑐᓂᑦ ᓄᓇᓂᑦ ᐃᓚᒋᔭᐅᖃᑕᐅᑦᓱᓂ ᓄᓇᓕᓐᓄᑦ ᖃᓂᒋᔭᖓᓃᑦᑐᓄᑦ, ᐊᒻᒪᓗ ᓄᓇᕕᒻᒥ ᒥᕐᖑᐃᓯᕐᕕᓕᕆᓂᕐᒥᒃ ᐱᓇᓱᐊᕐᑏᑦ ᑲᒪᒋᔭᑦᓴᖃᕐᒥᓱᑎᒃ ᐃᑲᔪᕐᑐᓴᐅᓂᕐᒥᒃ ᐳᓛᕆᐊᕐᓯᒪᔪᓂᒃ ᐸᕐᓀᒍᑎᓕᐅᖃᑦᑕᓂᒃᑯᑦ ᑕᑯᔭᕐᑐᓯᒪᑎᑕᐅᓂᕆᓂᐊᕐᑕᖏᓐᓂᒃ ᐊᒻᒪᓗ ᑲᒪᑦᓯᐊᖃᑕᐅᒻᒥᓗᑎᒃ ᐃᓕᒪᓇᕐᑐᒦᒋᐊᖃᙱᓂᖏᓐᓂ. ᑕᒪᓐᓇ ᐱᑦᔪᑎᒋᑦᓱᒍ, ᓀᑦᑐᐊᐱᒻᒥᒃ ᑕᕐᕋᓕᔮᒥᒃ ᓴᓇᔭᐅᓯᒪᔪᖃᕐᖁᖅ. ᑕᒪᓐᓇᓗ ᑐᓴᕐᑕᖁᔭᐅᔪᖅ ᑐᑭᓯᓇᑦᓯᐊᑐᒻᒪᕆᒃ: ᓴᓂᕐᕙᓯᒪᔪᒥ ᓄᓇᒥ ᓯᓚᖓᑕᓗ ᖃᓄᐃᓐᓂᐊᓂᖓ ᖃᐅᔨᒪᓇᙱᑐᒥ, ᐳᓛᕆᐊᕐᓯᒪᔪᐃᑦ ᐊᑐᐃᓐᓇᐅᒪᑦᓯᐊᕆᐊᖃᕐᖁᑦ ᑐᑭᓯᒪᑦᓯᐊᑑᓗᑎᓪᓗ ᖃᓄᐃᓕᙵᓚᕿᐅᑎᐅᔪᓐᓇᑐᓂᒃ ᐊᑦᑐᐊᔪᓂᑦ ᑕᕐᕋᒥᐅᑦ ᐊᕙᑎᖓᓄᑦ ᐳᐃᒍᕐᓴᐅᖏᑦᑐᒥᒃ ᐊᐅᓚᔨᔭᕐᑖᕈᒪᓂᒃᑯᑦ ᖃᐅᔨᔭᕕᓂᕐᒥᓐᓂᒃ. ᐊᓕᐊᓇᕐᑐᒥᒃ ᖃᐅᔨᓗᓯ ᐊᑑᑎᑦᓯᕆᑦᓯ!

http://www.parcsnunavik.ca/iu/parks/pingualuit/planning-safety.htm

RSS