ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓄᑖᖅ ᐱᒋᐊᕐᑎᑕᐅᕐᖃᒥᖅ ᑐᕌᖓᔪᖅ ᐊᖏᖃᑎᒌᒍᑎᒧᑦ ᐃᓚᐅᔪᓄᑦ

ᑰᑦᔪᐊᖅ, ᑯᐯᒃ, ᒫᑦᓯ 27, 2017 ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑫᐋᔩ) ᐊᒻᒪᓗ ᓄᓇᕕᒻᒥ ᒥᕐᖑᐃᓯᕐᕖᑦ ᑐᓴᕐᑎᓯᒋᐊᒥᒃ ᓇᑯᕐᓴᓕᕐᖁᑦ ᓄᑖᖅ ᓄᐃᑕᐅᓯᒪᓕᕐᒥᒪᑦ ᓄᓇᕕᒻᒥ ᒥᕐᖑᐃᓯᕐᕕᓕᐊᕈᓐᓇᓯᑎᓗᒋᑦ ᐃᓚᐅᔪᑦ ᐱᒋᐊᕐᑎᑕᐅᓯᒪᔪᖅ ᑫᓪᓗᑐᕐᑕᐅᓂᖏᓐᓄᑦ ᐊᒻᒪᓗ ᐃᓱᕐᕆᑎᑕᐅᒋᐊᕐᓂᖏᓐᓄᑦ ᐃᓚᐅᔪᑦ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᓄᑦ ᐊᖏᖃᑎᒌᒍᑎᒧᑦ (ᐊᖏᖃᑎᒌᒍᑎᒃ) ᐁᕕᖃᕈᓐᓇᓯᑎᓪᓗᒋᑦ ᐊᑦᔨᒌᖕᖏᑐᓄᑦ ᓄᓇᕕᒻᒥ ᒥᕐᖑᐃᓯᕐᕕᓄᑦ.

ᒥᕐᖑᐃᓯᕐᕕᓕᐊᕈᓐᓇᑎᑦᓯᒍᑎᒃ ᐃᑲᔪᕐᓯᔭᐅᒍᓐᓇᓯᑎᓗᒋᑦ ᐊᑮᑦ ᐊᒻᒪᓗ ᐊᐅᓚᒍᑎᓄᑦ ᐊᑭᓕᕐᑕᖏᑦ ᐃᓕᓴᕐᕕᒥ ᐃᓚᒌᑦᑐᑦ, ᐅᕕᒃᑫᑦ, ᐃᓄᑐᙯᑦ ᐅᕝᕙᓘᓐᓃᑦ ᑭᓇᑐᐃᓐᓇᑯᑦ ᐊᖏᖃᑎᒌᒍᑎᒧᑦ ᐃᓚᐅᔪᑦ ᑕᑯᔭᕐᑐᕈᒪᔪᑦ ᐊᒻᒪᓗ ᓇᔪᕐᑕᖃᕆᐊᕐᑐᕈᒪᔪᑦ ᑖᒃᑯᓂᖓ ᐃᓇᖁᓇᕐᑐᓂᒃ ᐅᖑᒪᑦᓯᕕᓐᓂᒃ. ᐃᓚᐅᑎᓪᓗᒋᑦ ᒥᕐᖑᐃᓯᕐᕕᒥ ᑭᒡᒐᑐᕐᑕᐅᒍᑎᓄᑦ ᐊᒻᒪᓗ ᐱᓇᓱᐊᕐᑕᐅᔪᓄᑦ ᐱᒍᑦᔭᐅᓂᕐᓄᑦ, ᐃᓚᐅᔪᑦ ᐁᑦᑐᑕᐅᓯᒪᒍᓐᓇᓂᐊᓕᕐᑐᑦ ᑎᒻᒥᔫᕈᑎᑎᒍᑦ ᐃᑲᔪᕐᑕᐅᒍᑎᓂᒃ ᐃᓘᓐᓀᓂ ᓄᓇᕕᒻᒥ ᓄᓇᓕᓐᓂ ᒥᕐᖑᐃᓯᕐᕕᓕᐊᕐᑐᓗ ᐊᕐᖁᓵᒐᖃᓚᖓᑦᓱᑎᒃ ᓄᓇᓕᖏᓐᓂᒃ ᑲᖏᕐᓱᔪᐊᑉ, ᑲᖏᕐᓱᐊᓗᑦᔪᐊᑉ ᐊᒻᒪᓗ ᐅᒥᐅᔭᐅᑉ (ᑎᑭᑦᑕᕕᖏᑦ ᒪᓕᓪᓗᒋᑦ ᑎᒻᒥᔫᑦ) ᐊᒻᒪᓗ ᓵᑕᑎᒍᑦ ᒥᕐᖑᐃᓯᕐᕕᒧᑦ ᐁᕕᒻᒥᓄᑦ ᐃᑯᒪᒍᓐᓇᓚᖓᓕᕐᓱᑎᒃ.

ᑮᓇᐅᔭᖃᕐᑎᑕᐅᔪᑦ ᐃᑎᕐᑕᖏᓐᓄᑦ ᓄᓇᕕᒻᒥ ᒥᕐᖑᐃᓯᕐᕕᓂ ᐱᓇᓱᐊᕐᑕᐅᔪᓄᑦ, ᑐᕌᒐᓕᒃ ᒥᕐᖑᐃᓯᕐᕕᓕᐊᕐᑐᓂᒃ ᐃᑲᔪᕐᓯᒪᐅᑎᒃ ᐅᓄᕐᓰᒋᐊᕐᓂᖅ ᐊᖏᖃᑎᒌᒍᑎᒧᑦ ᐃᓚᐅᔪᓂᒃ ᓄᓇᕕᒻᒥ ᒥᕐᖑᐃᓯᕐᕕᓕᐊᕐᑕᑐᓂᒃ. ᑖᓐᓇ ᓄᐃᑕᑎᑦᓯᒋᐊᕈᑎᒃ ᐅᓄᕐᓯᐅᒥᕙᓪᓕᐊᖁᑦᓱᒋᑦ ᒥᕐᖑᐃᓯᕐᕕᓕᐊᕐᑐᑦ, ᒪᕐᕈᕕᓪᓗᐊᑐᑎᒍᑦ ᐅᓄᕐᓯᐅᒥᓯᒪᓚᐅᔪᒻᒪᑕ 2014-ᓂᒥᑦ 2016-ᒍᑎᓪᓗᒍ.

“ᑕᒪᓐᓇ ᑕᑯᑦᓴᐅᓱᓂ ᖃᓄᐃᓕᒍᑎᖃᕆᐊᕐᓯᒪᓂᖅ ᐱᒍᑦᔨᓱᒋᑦ ᓄᓇᕕᒻᒥᐅᑦ ᖃᑦᓯᑐᐃᓐᓇᓂᒃ ᐅᑭᐅᓖᑦ ᒥᕐᖑᐃᓯᕐᕕᓕᐊᕈᒪᔪᑦ ᐃᑲᔪᕐᓯᒪᖃᑕᐅᓗᑎᓗ ᓄᓇᓂᒃ ᐅᖑᒪᑦᓯᒍᑦᔨᓂᕐᒥᒃ ᓯᕗᓂᕐᒥ ᐃᓅᖃᑦᑕᓛᕐᑐᓄᑦ ᖁᒥᐅᑕᐅᔪᓂᒃ,” ᑌᒫᒃ ᑐᑭᓯᑎᑦᓯᓚᐅᕐᑐᖅ ᐹᑕᕆᒃ ᑯᕃᓚᓐ, ᒥᕐᖑᐃᓯᕐᕕᓂᒃ ᑲᒪᔨᒻᒪᕆᐅᑉ ᐃᑲᔪᕐᑎᖓ ᑫᐋᔩᑉ ᓄᑕᐅᓪᓕᕈᓐᓇᑐᓕᕆᕕᖓᓂ, ᐊᕙᑎᓕᕆᕕᖓᓂ, ᓄᓇᓕᕆᕕᖓᓂ ᐊᒻᒪᓗ ᒥᕐᖑᐃᓯᕐᕕᓕᕆᕕᖓᓂ.

ᓄᓇᕕᒻᒥ ᒥᕐᖑᐃᓯᕐᕖᑦ ᐊᖏᔪᒻᒪᕆᐅᕗᑦ ᐅᖑᒪᔭᐅᔪᓃᑦᓱᑎᒃ ᓄᓇᖏᑦ ᖃᓄᐃᓕᖕᖓᑕᐅᑦᑌᓕᑎᓪᓗᒋᑦ, ᑕᑯᑦᓴᐅᓂᖏᓪᓗ ᓄᓇᖏᑦᑕ ᐊᒻᒪᓗ ᐆᒪᔪᐃᑦ ᓄᓇᓕᓕᒫᓂ. ᐱᕈᕐᕕᐅᓯᐊᕐᑐᖅ ᐊᕙᑎᖓ George River plateau, ᑲᑭᐊᑦᑐᐊᐱᒃ ᐃᒪᖓ ᐱᖑᐊᓗᐃᑦ, ᓇᕐᓴᖓ ᑰᕉᑉ ᑰᖓᑕ ᑑᕐᖓᓂ ᖃᕐᖄᓗᓐᓂ, ᐊᑦᔨᒌᖕᖏᑐᑦ ᐱᕈᕐᑐᖏᑦ ᐊᒻᒪᓗ ᐆᒪᔪᖏᑦ ᑕᓯᐅᔭᐅᑉ, ᐊᒻᒪᓗ ᓲᔪᒻᒪᕆᒃ ᐸᑎᕐᑑᑉ ᑰᖓ ᐆᑦᑑᑎᑐᐃᓐᓇᐅᕗᑦ ᐊᒥᓲᒐᓗᐊᕐᑎᓗᒋᑦ ᑕᑯᒐᑦᓭᑦ.

ᑐᑭᓯᒋᐊᓪᓚᕈᒪᔪᑦ ᓄᓇᕕᒻᒥ ᒥᕐᖑᐃᓯᕐᕕᓕᐊᕈᓐᓇᕕᖏᓐᓄᑦ ᐃᓚᐅᔪᑦ, ᐅᖄᕕᒋᔭᐅᒍᓐᓇᑐᖅ ᑕᑯᔭᕐᑐᑐᑦ ᓱᖃᑦᓯᑎᑕᐅᓂᖏᓐᓂᒃ ᑲᒪᔨᖓ ᒥᕐᖑᐃᓯᕐᕕᒥ ᐁᕕᒋᒍᒪᔭᓯᓐᓄᑦ ᐅᕝᕙᓘᓐᓃᑦ ᐊᓪᓚᕕᒋᓗᒍ ᐅᕗᖓ . ᑕᑯᒐᓱᐊᕈᓐᓇᒥᔪᓯ ᓄᓇᕕᒻᒥ ᒥᕐᖑᐃᓯᕐᕖᑦ Facebook-ᖓᓂᒃ ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᑕᑯᑦᓴᐅᑎᑦᓯᕕᒻᒥᒃ ᐅᕗᖕᖓᓗᓯ (http://www.nunavikparks.ca/en/nunavik-parks-beneficiary-access-initiative).

- 30 -

ᐅᖄᓚᕕᐅᒍᓐᓇᑐᑦ

ᔭᓐ-ᐱᓕᑉ ᑐᐳᐊ                         ᓘᓯᐅᓪ ᑦᕈᐃᓄ

ᑐᓴᐅᒪᖃᑎᒌᑦᑎᓯᓂᕐᒥᒃᑐᑭᒧᐊᕐᑎᓯᔨ            ᐱᒍᑦᔭᐅᔪᓂᒃ ᐱᒍᑦᔨᕕᖓᑦ ᓂᐅᕐᕈᓭᒐᓱᐊᕐᑎᖓᓗ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ                ᓄᓇᕕᐅᑉ ᒥᕐᖑᐃᓯᕐᕕᓕᕆᔨᖏᑦ

ᐅᖄᓚᐅᑎᖓ: 819-964-2961, ᐊᒻᒪᓗᓂ 2219-ᒧᑦ  ᐅᖄᓚᐅᑎᖓ 819-964-2961 ᐊᒻᒪᓗᓂ 2333ᒧ

ᖃᕆᑕᐅᔭᒃᑯᑦ - www.krg.ca     

ᓄᓇᕕᐅᑉ ᒥᕐᖑᐃᓯᕐᕕᓕᕆᔨᖏᑦ ᓯᕗᓂᖃᕐᐳᑦ ᓴᐳᑦᔨᓯᒪᓂᕐᒥᒃ ᓄᓇᑐᖃᕐᓂᒃ ᐊᕙᑎᒋᔭᐅᔪᑐᖃᕐᓂᓗ ᑕᒪᑦᓱᒪᖕᖓᑦ ᐃᓄᐃᑦ ᓱᓇᓱᐊᕈᒪᓂᖏᓐᓂᑦ ᐃᓚᖃᕐᑐᓂᒃ ᓄᑕᐅᓯᓕᕈᓐᓇᖏᑦᑐᓂᒃ ᐊᑐᕋᓱᐊᕐᓂᒥᒃ. ᑲᓇᑕᓕᒫᒥ ᒥᕐᖑᐃᓯᕐᕕᖃᕐᓂᑎᒍᑦ ᓴᐳᑦᔨᓯᒪᒍᑏᑦ ᑕᑯᓐᓈᓂᖃᕐᒪᑕ ᐊᓯᐅᑎᑦᓯᑌᓕᒪᓂᕐᒥᒃ ᐱᕕᖃᕐᑎᓯᓂᒃᑯᑦ ᐃᓕᓐᓂᐊᑎᑦᓯᒍᓐᓇᓂᕐᒥᒃ ᓱᖃᑦᓯᑎᑦᓯᒍᓐᓇᕕᖃᕐᓂᒥᓪᓗ ᓄᓇᕕᒻᒥᐅᓄᑦ ᐊᐅᓚᑲᑦᑕᑐᓄᓪᓗ ᓯᓚᕐᔪᐊᒥᐅᓂᒃ. ᓄᓇᕕᐅᑉ ᒥᕐᖑᐃᓯᕐᕕᖏᓐᓂ, ᐃᓄᐃᑦ ᑎᒍᒥᐊᖏᓐᓇᓚᖓᔪᑦ ᐱᔪᓐᓇᐅᑎᒥᓂᒃ ᓂᕿᑦᓴᓯᐅᕐᓂᑯᑦ ᑎᒍᓚᒍᓐᓇᕐᒥᓂᒃ. ᐊᓪᓛᑦ, ᑕᒪᒃᑯᐊ ᐱᐅᓯᑐᙯᑦ ᓱᓇᓱᐊᕐᑕᐅᓲᖑᓂᖏᑦ ᐃᓚᒋᔭᐅᓲᖑᒻᒪᑕ ᑕᒫᓂ ᓄᓇᒥ ᒥᕐᖑᐃᓯᕐᕕᓕᐊᕐᓯᒪᓂᕐᒧᑦ ᐊᑑᑎᔭᐅᓂᖃᕐᑐᓄᑦ.

 

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᐃᓄᓐᓄᑦ ᑎᒥᖁᑎᒋᔭᐅᕗᖅ ᓄᐃᑕᐅᒪᑦᓱᓂ 1978-ᒥ ᐊᑖᒍᑦ ᐅᑯᐊ ᔦᒥᔅᐯᒥᓗ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᖓᑦ. ᑖᓐᓇ ᑎᒥᐅᔪᖅ ᐊᐅᓚᑦᓯᕕᖃᕐᓱᓂ ᑯᐯᒃ ᑕᕐᕋᖓᓂᓕᒫᑲᓴᖓᓂᒃ 55 ᐃᑲᖓᔫᑉ ᑕᕐᕋᖓᓂ ᒪᑯᓂᖓ ᒥᓂᓯᐹᓕᑎᒨᓕᖓᔪᓂᒃ, ᐃᖏᕐᕋᔪᓕᕆᓂᕐᓂᓗ, ᐊᕙᑎᓕᕆᓂᕐᒥᓗ, ᐳᓖᓯᓕᕆᓂᕐᒥᓗ, ᐱᓇᓱᒐᑦᓴᓕᕆᓂᕐᒥᓗ, ᐱᓇᓱᑦᑎᓂᒃ ᐃᓕᓭᓂᕐᒥᓗ, ᓂᕿᑖᕈᑎᓕᕆᓂᕐᒥᓗ, ᐯᕆᑦᓯᓕᕆᓂᕐᒥᓗ, ᓄᑕᐅᓯᓕᕈᓐᓇᑐᓂᒃ ᐱᕕᑦᓴᓕᕆᓂᕐᒥᓗ, ᓄᓇᐅᑉ ᐊᑐᕐᑕᐅᓂᖓᑕ ᐸᕐᓇᑕᐅᒪᓂᖏᓐᓂᓗ, ᐃᓄᐃᑦ ᐊᑦᑕᓇᕐᑐᒥᑦᑌᓕᒪᓂᖏᓐᓂᓗ ᐊᒻᒪᓗ ᒪᑭᑕᒐᓱᐊᕐᓂᐅᑉ ᐱᕙᓪᓕᐊᑎᑕᐅᒐᓱᐊᕐᓂᖏᓐᓂᒃ.