ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᔪᓀᑎᔅ ᓯᑌᑦᔅ ᑭᒡᒐᑐᕐᑎᒪᕆᖓ ᑯᐯᒃ ᓯᑎᒥ ᑰᑦᔪᐊᓕᐊᓚᐅᕐᑐᖅ

ᔪᓀᑎᔅ ᓯᑌᑦᔅ ᐊᒥᐊᔨᑲᐅᑉ ᑭᒡᒐᑐᕐᑎᒪᕆᖓ ᑯᐯᒃ ᓯᑎᒦᑦᑐᖅ, ᐋᓕᓴᓐ ᐊᕆᐊᔅ-ᕘᑲᓪ, ᑰᑦᔪᐊᒦᓚᐅᕐᑐᖅ ᐊᒻᒪᓗ ᑲᑎᓯᑦᓱᓂ ᐊᒥᓱᓂᒃ ᑭᒡᒐᑐᕐᑎᖏᓐᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᑫᐋᔩ) ᐊᒻᒪᓗ ᐊᓯᖏᑦᑕ ᑎᒦᑦ ᓅᕕᒻᐱᕆ 15-ᒥᑦ 17-ᒧᑦ, 2017-ᒥ.

IMG 2306
ᑎᑭᑦᓱᓂ ᓅᕕᒻᐱᕆ 15-ᒥ, ᑐᖕᖓᓱᑦᑎᑕᐅᓚᐅᕐᑐᖅ ᓄᓇᓖᑦ ᓯᕗᓕᕐᑎᖓᓄᑦ ᐊᒻᒪᓗ ᐳᕐᑐᓂᕐᓴᖏᓐᓄᑦ ᐃᓚᐅᔪᒧᑦ ᑫᐋᔩᑉ ᑐᓄ ᓇᐹᕐᑐᒧᑦ. ᐊᕆᐊᔅ-ᕘᑲᓪ ᖁᕕᐊᓱᒍᑎᓕᓐᓃᓚᐅᕐᑐᖅ 25-ᒍᒍᑎᖓᓂ ᓇᓪᓕᐅᓂᕐᓯᐅᑕᐅᑎᓪᓗᒍ ᑲᔪᓯᖏᓐᓇᓚᖓᔪᓂᒃ ᐱᓇᓱᒐᑦᓴᖃᕐᑎᓯᓂᕐᓄᑦ ᐱᓇᓱᕝᕕᖓ ᑫᐋᔩᑉ. ᐅᓪᓘᑉ ᑐᖓᓕᐊᓂ, ᑲᑎᓯᓚᐅᕐᑐᖅ ᑲᑎᕕᒃ ᓄᓇᓕᓕᒫᓂ ᐳᓖᓰᑦ ᐊᖓᔪᕐᖄᖓᓂᒃ, ᒥᓯᐊᓪ ᒪᕐᑌᒥᒃ ᐊᒻᒪᓗ ᐳᓖᓯᖕᖑᖃᒻᒥᒥᒃ ᐹᒪᓚ ᔅᑏᕙᓐᓴᓐᒥᒃ. ᑭᒡᒐᑐᕐᑎᒪᕆ ᑫᐋᔩᑉ ᑐᑭᒧᐊᑦᑎᓯᔨᖓᓄᑦ ᑐᖕᖓᓱᑦᑎᑕᐅᓚᐅᕐᑐᖅ, ᔨᐊᓂᕙ ᒪᓂᒻᒧᑦ, ᑫᐋᔩᑉ ᐊᓪᓚᕕᒻᒪᕆᖓᓂ. ᐊᕆᐊᔅ-ᕘᑲᓪ ᑕᑯᔭᕐᑐᓯᒪᓂᕐᒥᓂ ᑭᖑᓪᓕᐹᒥ ᓯᑕᒻᒥᓕᕐᑎᓗᒍ ᑕᑯᓂᐊᓚᐅᕐᑐᖅ ᐱᖕᖑᐊᓂᓕᕆᓂᕐᓄᑦ ᐊᒻᒪᓗ ᓄᑕᐅᓪᓕᕈᓐᓇᑐᓕᕆᓂᕐᓄᑦ, ᐊᕙᑎᓕᕆᓂᕐᓄᑦ, ᓄᓇᓕᕆᓂᕐᓄᑦ ᐊᒻᒪᓗ ᒥᕐᖑᐃᓯᕐᕕᓕᕆᓂᕐᓄᑦ ᐱᓇᓱᕝᕕᖏᓐᓂᒃ ᑫᐋᔩᑉ.