ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓇᓪᓕᐅᓂᕐᓯᐅᓂᖅ ᐊᕐᕌᒍᓂ 15-ᓂᒃ ᓄᓇᕕᐅᑉ ᒥᕐᖑᐃᓯᕐᕕᖏᓐᓂᒃ : ᐅᒃᑯᐃᑕᐅᓂᖓ ᑕᑯᔭᒐᖃᕐᕕᐅᑉ ᖃᕆᐊᖓ ᓄᑖᖅ

IMG 9813

ᐃᓄᑐᖃᖅ ᑏᕕ ᐃᑦᑐᒃ ᐅᒃᑯᐃᓯᔪᖅ ᑕᑯᔭᒐᖃᕐᕕᐅᑉ ᖃᕆᐊᖓᓂᒃ

ᔫᓂ 6, 2019 - ᓇᓪᓕᐅᓂᕐᓯᐅᓂᖅ ᐊᕐᕌᒍᓂ 15-ᓂᒃ ᓄᓇᕕᐅᑉ ᒥᕐᖑᐃᓯᕐᕕᖏᓐᓂᒃ ᐊᑑᑎᔭᐅᕐᖃᐅᔪᑦ ᐱᓇᓱᐊᕈᓯᐅᓚᐅᕐᑐᒥ, ᔫᓂ 6, ᑲᖏᕐᓱᐊᓗᑦᔪᐊᒥ ᒥᕐᖑᐃᓯᕐᕕᐅᑉ ᑕᑯᔭᒐᖃᕐᕕᖓᑕ ᖃᕆᐊᖓ ᓄᑖᖅ ᐅᒃᑯᐃᑕᐅᓂᖃᕐᑎᓗᒍ.

ᐳᓛᕐᑏᑦ ᐊᒻᒪᓗ ᑭᒡᒐᑐᕐᑏᑦ ᑕᑯᔭᕐᑐᑎᑕᐅᓚᐅᕐᑐᑦ ᖃᖓᑦᑕᔫᒃᑯᑦ ᑰᕈᕐᔪᐊᑉ ᐊᒻᒪᓗ ᐅᓕᑦᑕᓂᐅᔭᓕᐅᑉ ᒥᕐᖑᐃᓯᕐᕕᖏᓐᓂᒃ ᓄᓇᕕᐅᑉ ᓄᓇᖓᑕ ᑕᑯᒥᓇᕐᓂᐊᐱᖏᑦᑕ ᐃᓚᖓᓂᒃ ᑕᑯᔭᕐᑐᑎᑕᐅᑦᓱᑎᒃ.
ᔭᓄᐊᕆ 2004-ᖑᑎᓪᓗᒍ ᑯᐯᒃ ᑲᕙᒪᖓ ᐱᖕᖑᑎᑦᓯᓯᒪᔪᖅ ᐱᖑᐊᓗᐃᑦ ᒥᕐᖑᐃᓯᕐᕕᖓᓂᒃ, ᓄᓇᕕᒻᒥ ᓯᕗᓪᓕᐸᐅᑦᓱᓂ. ᑌᒪᖕᖓᓂᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐃᓚᐅᖃᑕᐅᖏᓐᓇᖃᑦᑕᓕᓚᐅᔪᖅ ᐱᕈᕐᑎᑕᐅᕙᓪᓕᐊᓂᖓᓂ ᐊᒻᒪᓗ ᒪᑭᑕᑦᓯᐊᑎᑕᐅᓂᖓᓂ ᐱᓪᓚᕆᐅᖃᑕᐅᑦᓱᓂ ᑎᒥᐅᔪᓂ ᓄᓇᒥ ᐊᒻᒪᓗ ᐊᕙᑎᒥᒃ ᓴᐳᒻᒥᓂᕐᒥᒃ ᐃᓚᒋᔭᐅᖃᑕᐅᓪᓚᕆᑦᓱᓂ.
ᐅᓪᓗᒥ ᓄᓇᕕᐅᑉ ᒥᕐᖑᐃᓯᕐᕕᖏᑦ ᐊᐅᓚᑦᓯᓲᑦ ᓯᑕᒪᓂᒃ ᒥᕐᖑᐃᓯᕐᕕᓂᒃ ᐃᓚᒋᔭᐅᖃᑕᐅᑦᓱᓂ KRG-ᑯᑦ ᑐᓂᓯᒪᓂᖏᓐᓄᑦ ᐊᕙᑎᒥᒃ ᓴᐳᒻᒥᓂᕐᒥ ᐊᒻᒪᓗ ᑮᓇᐅᔭᑎᒍᑦ ᒪᑭᑉᐸᓕᐊᒐᓱᐊᕐᓂᒥᒃ.
ᑖᓐᓇ ᐃᓚᓕᒃ ᓴᐳᒻᒥᓂᕐᒥᒃ ᓄᓇᒥᒃ ᐱᓇᓱᐊᕐᑎᒪᕇᑦ ᐱᕙᓪᓕᐊᕕᖃᑐᐃᓐᓇᖃᔭᖕᖏᓂᖏᓐᓂᒃ, ᓄᐃᑦᓯᓯᒪᑦᓱᓂ 30-ᓂᒃ ᐅᖓᑖᓄᓪᓗ ᐱᓇᓱᒐᕐᓂᒃ ᐊᑌᓐᓇᑐᓂᒃ , ᐃᑎᕐᑎᓯᖃᑦᑕᓱᓂ 5 ᒥᓕᐊᓂᒃ ᐊᕐᕌᒍᑕᒫᑦ ᓄᓇᕕᐅᑉ ᑮᓇᐅᔭᖃᕐᓂᖓᓂᒃ, ᐅᒃᑯᐃᖔᕐᓱᓂᓗ ᓯᓚᑖᓃᖕᖔᑐᓂᒃ ᑕᑯᒋᐅᕐᑎᓯᓂᕐᒥᒃ ᐃᓄᐃᑦ ᐃᓅᑦᔪᓯᖏᓐᓂᒃ ᐊᒻᒪᓗ ᐱᕕᑦᓴᓯᐊᓪᓚᕆᐅᑦᓱᓂ ᐅᕕᒃᑲᓄᑦ, ᐃᓄᒻᒪᕆᓄᑦ ᐊᒻᒪᓗ ᒥᕐᖑᐃᓯᕐᕕᐅᑉ ᐱᓇᓱᑦᑎᖏᓐᓄᑦ ᑕᑯᔭᐅᑎᑦᓯᓂᕐᒥᒃ ᐊᒻᒪᓗ ᐊᓯᐅᔨᑦᑌᓕᓂᕐᒥᒃ ᐃᓕᕐᖁᓯᑎᒍᑦ ᐱᔪᓐᓇᑕᖏᓐᓂᒃ ᐊᒻᒪᓗ ᐅᓂᒃᑳᑐᐊᖏᓐᓂᒃ.
ᓇᓪᓕᐅᓂᕐᓯᐅᓂᖅ ᐅᒃᑯᐃᑕᐅᓚᐅᔪᖅ ᑰᑦᔪᐊᒥ ᕕᕗᐊᕆᐅᑎᓪᓗᒍ. ᑰᕈᕐᔪᐊᑉ ᐊᒻᒪᓗ ᐅᓕᑦᑕᓂᐅᔭᓕᐅᑉ ᒥᕐᖑᐃᓯᕐᕕᖏᑦᑕ ᐱᒻᒪᕆᐅᓂᖏᒃ ᐅᖃᕐᑕᐅᓚᐅᔫᒃ ᑌᑲᓂ ᐱᓇᓱᐊᕈᓯᕐᒥ. ᔪᓓᒥ , ᓇᓪᓕᐅᓂᕐᓯᐅᓃᑦ ᐊᓯᖏᑦ ᐊᑑᑎᓛᕐᒥᔪᑦ ᑲᖏᕐᓱᔪᐊᒥ ᐊᒻᒪᓗ ᓵᖕᖓᔭᖃᓛᕐᓱᓂ ᐱᖑᐊᓗᐃᑦ ᒥᕐᖑᐃᓯᕐᕕᖓᓂᒃ ᐊᒻᒪᓗ ᑕᓯᐅᑉ ᐃᓕᑕᕐᓇᐅᑎᖓᓂᒃ. ᐊᐅᒡᒍᓯᒥ, ᐊᑑᑎᓛᕐᒥᔪᑦ ᑐᕐᓱᔫᑉ ᒥᕐᖑᐃᓯᕐᕕᖓᑕ ᑕᑯᒥᓇᕐᓂᖓᓂᒃ ᐊᒻᒪᓗ ᓱᕐᕃᓯᒪᓂᖓᓂᒃ ᓯᑕᒪᓂᒃ ᓄᓇᓕᓐᓂ ᐅᒥᐅᔭᕐᒥ, ᑰᑦᔪᐊᕌᐱᒻᒥ ᐊᒻᒪᓗ ᒍᐊᑉᒫᑯᔅᑐᒥᒃ ᐊᒻᒪᓗ ᐃᓄᑦᔪᐊᒥᒃ.
ᐅᑭᐊᑦᓴᒥ ᒥᕐᖑᐃᓯᕐᕕᐅᑉ ᑲᑐᑦᔨᖃᑎᒌᓐᓂᒧᑦ ᑲᑎᖕᖓᔨᖏᑦ ᓄᓇᓕᒻᓂ ᓂᕆᒻᒫᑎᑦᓯᓂᖃᓛᕐᑐᑦ ᐱᖓᓱᓂ ᒥᕐᖑᐃᓯᕐᕖᑦ ᑕᑯᔭᒐᖃᕐᕕᖏᓐᓂ.
ᑐᑭᓯᒋᐊᑦᓯᐊᕈᒪᒍᕕᑦ ᐱᓂᐊᕐᓂᐅᓛᕐᑐᐃᑦ ᐊᒻᒪᓗ ᒥᕐᖑᐃᓯᕐᕖᑦ ᒥᑦᓵᓄᑦ,