ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑐᓴᕋᑦᓴᖅ ᓄᐃᑕᐅᕋᑖᖅ: ᐃᓕᒌᑦ ᓄᓇᕕᒻᒥᐅᑦ-ᑯᐯᒃ: ᐱᖕᖑᐊᑏᑦ ᐊᔪᐃᓐᓇᓕᕆᕗᑦ ᐊᓂᒡᒎᑎᒍᒪᑦᓱᑎᒃ ᓯᓈᓂᒥᐅᑦ ᐆᑦᑐᕋᕐᑕᐅᓂᖏᓐᓂ!

ᑰᑦᔪᐊᖅ, ᑯᐯᒃ, ᐁᕐᕆᓕ 24, 2015 – ᑕᕐᕿᓂᒃ ᐊᒥᓱᓂᒃ ᐊᒃᓱᕈᕐᓱᑎᒃ ᐱᒋᐅᕐᓴᖃᑦᑕᓚᐅᕐᓱᑎᒃ ᐊᒻᒪᓗ ᑫᕙᓪᓚᒍᓯᒐᓴᓐᓂᒃ ᐱᔭᕆᐅᓴᖃᑦᑕᓱᑎᒃ, ᐱᖕᖑᐊᑏᑦ ᓄᓇᕕᓕᒫᒥᑦ ᐱᓯᒪᔪᑦ ᐱᕕᑦᓴᖃᓛᓕᕆᕗᑦ ᐊᓂᒡᒎᑎᒐᓱᐊᕐᓂᒥᒃ ᑖᒃᑯᓇᓂ ᒪᕐᕈᐃᓕᖓᔪᓂ ᐃᓕᒌᓂ ᓄᓇᕕᒻᒥᐅᑦ–ᑯᐯᒃᒥ (TNQ) ᓯᓈᓂᒥᐅᑦ ᐆᑦᑐᕋᕐᑕᐅᓂᖏᓐᓂ. ᑕᒪᓐᓇ ᐆᑦᑐᕋᑦᑕᐅᓂᖅ ᐃᓚᒋᔭᐅᒻᒪᑦ TNQ-ᑯᑦ ᓂᕈᐊᕐᓂᓴᖏᓐᓄᑦ ᐱᕙᓪᓕᐊᓂᐅᓚᖓᔪᓄᑦ ᑌᑲᓂ 2016-ᒥ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᕕᑦᔪᐊᕐᓂᐅᓛᕐᑐᒧᑦ ᐊᑑᑎᔭᐅᓛᕐᑐᒥ ᓅᒃᒥ, ᐊᑯᑭᑦᑐᓂ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᖅ ᓄᐃᑕᐅᕋᑖᖅ: ᐁᓴᕋ ᕿᓐᓄᐊᔪᐊᖅ: ᐊᕐᕌᒍᓂᒃ ᐊᕙᑎᑦ ᒪᕐᕈᐃᓂᒃ ᐱᒍᑦᔨᓯᒪᔪᖅ ᓄᓇᕕᒻᒥᐅᓂᒃ

ᑰᑦᔪᐊᖅ, ᑯᐯᒃ, ᐁᕐᕆᓕ 15, 2015 ─ ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐅᓪᓗᒥ ᐅᐱᒍᓱᑉᐳᖅ ᐊᑯᓂ ᐱᓇᓱᐊᕐᑎᒋᔭᐅᓯᒪᓕᕐᑐᒥᒃ ᐊᒻᒪᓗ ᐅᐱᒋᔭᐅᑦᓯᐊᑐᒥᒃ ᓂᕈᐊᕐᑕᐅᓯᒪᑦᓱᓂ ᑭᒡᒐᑐᕐᑎᐅᓯᒪᔪᒥᒃ, ᐁᓴᕋ ᕿᓐᓄᐊᔪᐊᒥᒃ, ᐊᓪᓕᑐᓂ ᐃᓅᒍᓐᓀᓚᐅᕐᒪᑦ, ᐁᕐᕆᓕ 12, 2015. “ᐊᕐᕌᒍᐃᒃ ᐊᕙᑎᑦ ᒪᕐᕈᐃᑦ ᐊᓂᒍᕐᓯᒪᓕᕐᐳᑦ, ᐁᓴᕋ ᐊᔪᐃᓐᓇᓱᓂ ᐱᓇᓱᐊᕐᓂᖃᖃᑦᑕᓚᐅᕐᐳᖅ ᑐᓂᓯᒪᓪᓚᕆᑦᓱᓂ ᓇᐅᓕᒫᓂᓪᓗ ᐱᒍᑦᔨᑦᓱᓂ, ᐱᓇᓱᐊᖃᑦᑕᓱᓂ ᑲᑦᓲᒥᒍᓐᓇᕋᓂ ᐃᑲᔪᕋᓱᐊᖃᑦᑕᓱᓂ ᓄᓇᕕᒻᒥᐅᓂᒃ. ᐅᓪᓗᒥ, ᑭᑦᓴᒐᓗᐊᕐᑎᓪᓗᑕ ᐁᓴᕋᐅᑉ ᐃᓅᒍᓐᓀᓂᖓᓂᒃ, ᑭᓯᐊᓂᑦᑕᐅᖅ ᓇᑯᕐᓴᑐᒻᒪᕆᐊᓘᕗᒍᑦ ᐱᓇᓱᐊᕐᓯᑎᐅᓂᕆᓚᐅᕐᑕᖓᓂᒃ. ᐁᓴᕋ ᖃᐅᔨᒪᑦᓯᐊᕐᓂᖓᓄᑦ ᓯᓚᑐᓂᖓᓄᓪᓗ ᑕᓯᐅᕐᑕᐅᖃᑦᑕᓚᐅᕋᑦᑕ ᖃᐅᔨᒪᑎᑕᐅᑦᓱᑕ ᐅᓪᓗᒥ ᓵᖕᖓᒋᐊᖃᖃᑦᑕᓕᕐᑕᑎᓐᓄᑦ. ᑖᑦᓱᒧᖓ ᓲᖑᓯᑎᑕᐅᒋᐊᓪᓚᓯᒪᕗᒍᑦ, ᐅᕙᑦᑎᓂᓗ ᐅᐱᒍᓱᓕᕐᑎᑕᐅᓯᒪᑦᓱᑕ ᑭᓇᒃᑰᓂᑦᑎᓐᓂᒃ ᐊᒻᒪᓗ ᐱᓇᓱᐊᖃᑎᒌᓪᓗᑕ ᐱᔭᖃᕈᓐᓇᓂᑦᑎᓐᓂᒃ,” ᐅᖃᓚᐅᕐᐳᖅ KRG-ᑯᑦ ᑐᑭᒧᐊᑦᑎᑦᓯᔨᖓ ᒫᑭ ᐃᒪᕐᓚᒃ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᖅ ᓄᐃᑕᐅᕋᑖᖅ: ᓄᓇᒦᓪᓗᑎᑦ, ᐃᓱᒪᑦᓴᓯᐅᕆᑦ ᐊᑦᑕᓈᕿᑦᑌᓕᒐᓱᐊᕐᓂᒥᒃ ᓯᕗᓪᓕᐅᑦᔨᓗᑎᑦ!

ᑰᑦᔪᐊᖅ, ᑯᐯᒃ, ᐁᕐᕆᓕ 14, 2015 – ᓇᐅᓕᒫᓂᒃ ᐊᑦᑕᓈᕿᑦᑌᓕᑎᑦᓯᓂᕐᒧᑦ ᐊᓪᓚᕕᖓᓂᑦ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᑦ (KRG), ᑲᑎᕕᒃᑯᓪᓗ ᐳᓖᓯᖏᑦ ᐊᒻᒪᓗ ᐳᓖᓯᑦᓭᑦ ᑲᑎᑦᑯᓐᓄᑦ ᐱᓇᓱᐊᕐᓂᐅᔪᒥ, ᐊᒻᒪᓗ ᓄᓇᕕᒻᒥ ᐊᖑᓇᓱᑦᑐᓕᕆᔩᑦ, ᐃᖃᓗᒐᓱᓐᓂᒧᑦ ᒥᑭᒋᐊᕐᓂᐊᓂᕐᒧᓪᓗ ᑲᑐᑦᔨᖃᑎᒌᖏᑦ (NHFTA) ᑲᑐᑦᔨᑦᓱᑎᒃ ᐅᖃᐅᓯᖃᕈᒪᕗᑦ ᓄᓇᒦᓪᓗᑎᒃ ᐅᐱᕐᖓᓴᐅᓕᕐᑎᓪᓗᒍ ᐃᑉᐱᒍᓱᒋᐊᕐᑎᑦᓯᓂᕐᒧᑦ ᐱᓇᓱᐊᖁᔨᑦᓱᑎᒃ. ᑕᒡᒐᓂ ᐁᕐᕆᓕᒥ ᒣᒥᓗ, ᓄᓇᑦᓯᓐᓂ ᐊᒻᒪᓗ ᓄᓇᓕᓕᒫᓂ ᑐᓴᐅᑎᒥᒃ ᓈᓚᖃᑦᑕᕆᑦᓯ ᓂᐱᓕᐅᕐᓯᒪᔪᓂᒃ ᑐᓴᕐᓴᐅᖃᑦᑕᓚᖓᔪᓂᒃ, ᐊᐱᕐᓱᑕᐅᔪᓂᒃ ᐊᒻᒪᓗ ᖃᐅᔨᓯᒪᔭᒥᓐᓂᒃ ᐅᖃᐅᓯᖃᕐᑐᓂᒃ ᐊᑦᑕᓈᕿᑦᑌᓕᒋᐊᖃᕐᓂᒥᒃ ᐃᖏᕐᕋᓕᑐᐊᕈᑦᓯ ᓄᓇᒃᑯᑦ ᖃᓄᐃᓕᐅᕆᐊᖃᕐᓂᐅᔪᓂᒃ ᒪᓕᑦᑕᐅᒋᐊᓕᓐᓂᒃ ᐅᐃᒪᓇᕐᑐᖃᓕᕐᓂᐸᑦ ᖃᖓᑐᐃᓐᓇᒃᑯᑦ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᖅ ᓄᐃᑕᐅᕋᑖᖅ: ᐃᓱᐊᕐᓯᒋᐊᕐᑎᑦᓯᓂᖅ ᐊᑭᑭᓕᒋᐊᕐᑎᑦᓯᒍᑎᐅᔪᓂᒃ ᐃᓅᒐᓱᐊᕐᓂᐅᑉ ᐊᑭᑐᔫᓂᖓᓄᑦ

ᑰᑦᔪᐊᖅ, ᑯᐯᒃ, ᐁᕐᕆᓕ 1, 2015 – ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᒪᑭᕝᕕᒃ ᑯᐊᐳᕇᓴᒃᑯᓪᓗ ᐅᖃᐅᓯᖃᓚᐅᕐᐳᑦ ᐃᓱᐊᕐᓯᒋᐊᕐᑎᑦᓯᓂᐅᓚᖓᔪᒥᒃ ᓯᑕᒪᓂᒃ ᐃᓅᒐᓱᐊᕐᓂᐅᑉ ᐊᑭᑐᔫᓂᖓᓄᑦ ᐱᓇᓱᐊᕐᓂᐅᔪᓂᒃ ᐱᐅᓂᕐᓴᒧᑦ ᑐᕌᖓᓕᖁᓪᓗᒍ ᓴᐳᒻᒥᓂᕐᒧᑦ ᓄᓇᑦᑎᓐᓂ ᐃᓱᐃᓗᑕᕆᓗᐊᖃᑦᑕᑕᑦᑎᓐᓄᑦ ᐃᓅᒐᓱᐊᕐᓂᒧᓪᓗ ᐃᓱᐊᕐᓂᓴᐅᓕᕐᑎᑦᓯᖁᓪᓗᒍ ᐃᓱᒪᒋᔭᐅᑦᓯᐊᖁᓪᓗᒋᓪᓗ ᐃᓄᐃᑦ ᐱᐅᓯᕐᒥᑦᑎᒍᑦ ᐱᓇᓱᐊᓲᖏᑦ ᐱᐅᓯᑐᖃᒥᑦᑎᒍᓪᓗ. ᐊᓯᖏᓐᓄᓪᓗ ᐃᓱᐊᕐᓯᒋᐊᕐᑎᑕᐅᔪᓄᑦ ᐱᓪᓚᕆᐅᔪᓄᑦ ᓄᑖᓄᑦ 30%-ᓄᑦ ᐃᑲᔪᕐᓯᑕᐅᖁᓪᓗᒋᑦ ᐊᓐᓄᕌᑦᓴᑖᕈᑏᑦ ᑲᒥᑦᓴᑖᕈᑏᓪᓗ ᓂᐅᕕᕐᑕᐅᓯᒪᔪᓄᑦ ᐃᑲᔪᕐᓯᓯᒪᒐᓱᐊᖃᑕᐅᔪᓄᑦ ᓂᐅᕕᕐᕕᓐᓄᑦ ᓂᕿᓄᑦ ᐊᓯᖏᓐᓄᓪᓗ ᐊᑐᕐᑕᐅᓗᐊᕐᐸᑦᑐᓄᑦ ᐱᓇᓱᐊᕐᓂᐅᔪᓄᑦ, ᐊᒻᒪᓗ ᐃᖏᕐᕋᐅᑎᓕᕆᓂᕐᒧᑦ ᐃᑲᔪᕐᓯᒋᐊᕈᑎ ᓄᑖᖅ ᐱᓗᐊᖕᖑᐊᓗᒍ ᓂᕿᑦᓴᓯᐅᕈᑎᑦᓴᓄᑦ ᒪᙯᓯᐅᑎᓄᑦ ᓴᓇᔭᐅᒋᐊᕐᑐᕆᐊᖃᓕᕐᐸᑕ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᖅ ᓄᐃᑕᐅᕋᑖᖅ: ᐅᑎᕐᕕᐅᔪᒪᐅᑎᓂᒃ ᐊᖏᖃᑎᒌᒍᑕᐅᓯᒪᔪᑎᒍᑦ ᑖᒃᓯᓄᑦ ᐱᓇᓱᐊᓛᓕᕐᐳᑎᑦ ᐅᑎᕐᕕᐅᔪᒪᐅᑎᑎᑦ ᐊᓪᓚᑕᐅᓕᕐᐸᑕ!

ᑰᑦᔪᐊᖅ, ᑯᐯᒃ, ᒫᑦᔨ 16, 2015 – ᑲᑎᕕᒃ ᓄᓇᓕᓕᒫᑦ ᑲᕙᒪᖏᑦ (KRG) ᐊᒻᒪᓗ ᒪᑭᕝᕕᒃ ᑯᐊᐳᕇᓴᒃᑯᑦ ᐃᑲᔪᕐᑐᐳᑦ ᓄᓇᕕᒻᒥᐅᓂᒃ ᐅᑎᕐᕕᐅᔪᓐᓇᓂᕐᒥᒍᑦ ᐱᔪᓐᓇᕆᐊᓕᒥᓐᓂᒃ ᐱᓇᓱᐊᑦᓯᐊᖁᑦᓱᒋᑦ ᑖᒃᓰᔭᕐᓂᒥᒍᑦ ᐅᑎᕐᕕᐅᒍᒪᐅᑎᒥᓐᓂᒃ ᑕᑕᕐᓭᑦᓯᐊᖁᑦᓱᒋᑦ ᐊᓪᓚᕕᐅᒋᐊᓕᓐᓂᒃ ᐊᕐᕌᒍᑕᒫᕐᓯᐅᑎᓂᒃ, ᐃᓚᖃᕐᑎᓪᓗᒋᑦ ᓇᐅᓕᒫᓄᑦ ᑖᒃᓰᔭᕈᑎᕕᓂᕐᓄᑦ ᐅᑎᕐᕕᐅᒍᒪᐅᑎᓂᒃ. “ᑯᐯᒻᒥ ᐊᖏᖃᑎᒌᒍᑕᐅᓯᒪᔪᓄᑦ ᑖᒃᓰᔭᕐᑕᐅᒍᑎᓄᑦ ᐅᑎᕐᕕᐅᒍᒪᐅᑏᑦ ᐃᓗᓕᖃᕐᒪᑕ ᓇᓗᓀᕐᓯᒪᓪᓗᑯᒋᐊᖃᕐᓱᑎᒃ ᓇᓂ ᓄᓇᖃᓪᓚᕆᓐᓂᒥᒃ ᑖᒃᑯᓇᓂ ᓄᓇᓕᓐᓂ 14-ᖑᔪᓂ ᓄᓇᕕᒻᒥ ᐊᒻᒪᓗ ᐊᕐᕌᒍᑕᒫᑦ ᐱᕙᓪᓕᑯᑎᑖᕐᕈᑕᐅᖃᑦᑕᓱᑎᒃ ᓄᓇᕕᒻᒥ ᐊᓂᕐᕋᖃᕐᑐᓄᑦ ᐊᒥᓱᓄᑦ ᐊᕐᕌᒍᑕᒫᑦ,” ᐅᖃᓚᐅᕐᐳᖅ ᒪᑭᕝᕕᒃᑯᑦ ᐊᖓᔪᖅᑳᖓᑦ ᔫᐱ ᑕᕐᕿᐊᐱᒃ.

ᐊᑐᐊᕆᐊᓪᓚᒐᑦᓴᑦ ...