ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᕕᑦᔪᐊᕐᓂᖅ: ᐃᓕᒌᑦ ᓄᓇᕕᒃ-ᑯᐯᒻᒥᐅᑦ ᐱᖕᖑᐊᑦᓯᐊᒻᒪᕆᓚᐅᕐᐳᑦ ᓄᐃᑕᑎᑦᓯᓯᐊᕐᓱᑎᓪᓗ ᖃᓄᐃᖏᑦᓯᐊᕈᒪᓂᕐᒥᒃ ᐃᓅᓯᒃᑯᑦ

ᓄᓇᕕᒃ, ᑯᐯᒃ, ᒫᑦᔨ 24, 2014 – ᐃᓚᒋᔭᐅᓚᐅᕐᑐᑦ ᐃᓕᒌᑦ ᓄᓇᕕᒃ-ᑯᐯᒃᒥᐅᓄᑦ (TNQ) ᐱᒍᑦᔨᑦᓯᐊᒻᒪᕆᓚᐅᕐᐳᑦ ᓄᓇᓕᒋᔭᒥᓐᓂᒃ ᑕᒪᖏᑦᑎᒍᑦ ᐱᖕᖑᐊᑎᓪᓗᒋᑦ ᐱᖕᖑᐊᖕᖏᑎᓪᓗᒋᓪᓗ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᕕᑦᔪᐊᕐᓂᖃᕐᑎᓪᓗᒋᑦ (AWG) ᕕᐊᕐᐯᒃᒥ, ᐊᓛᓯᑲᒥ ᒫᑦᔨ 16-ᒥᑦ22-ᒧᑦ. ᓄᓇᒥᓐᓄᑦ ᐊᓂᕐᕋᓚᐅᕐᐳᑦ ᐃᑉᐸᓴᖅ ᐃᓚᓈᖃᓕᕐᓱᑎᒃ ᓄᑖᓂᒃ ᐅᓂᒃᑲᐅᓯᑦᓴᖃᓕᕐᓱᑎᓪᓗ ᖃᐅᔨᓚᐅᕐᑕᒥᓐᓂᒃ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᐅᑎᓪᓗᒋᑦ ᐊᓪᓚᓯᒪᔪᑦ - ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᕕᑦᔪᐊᓂᖅ 2014

ᐃᓕᒌᑦ ᓄᓇᕕᒃ-ᑯᐯᒃᒥᐅᑦ ᐊᐅᓪᓚᑎᑦᓯᓚᐅᕐᐳᑦ 62-ᓂᒃ ᐱᖕᖑᐊᑎᓂᒃ ᐊᒻᒪᓗ ᑕᓪᓕᒪᓂᒃ ᐱᐅᓯᑐᖃᒃᑯᑦ ᐱᖕᖑᐊᕆᐊᕐᑐᑐᓂᒃ ᑕᒡᒐᓂ 2014-ᒥ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᕕᑦᔪᐊᕐᓂᒥ ᕕᐊᕐᐯᒃᒥ, ᐊᓛᓯᑲᒥ. ᑖᓐᓇ ᓄᓇᑦᑎᓐᓂ ᐊᖏᓂᕐᐸᐅᓚᐅᕐᑐᖅ ᐊᑐᐃᓐᓇᕈᕐᑎᕕᐅᓱᓂ ᑌᒪᖕᖓᓂᓕᒫᖅ ᐃᓘᓐᓇᓕᒫᑎᒃ ᑲᑎᑦᓱᒋᑦ ᐱᖕᖑᐊᑏᑦ 200 ᖃᓂᒋᔮᓃᑦᑐᑦ ᐱᓕᐅᑦᔨᓂᖃᓚᐅᕐᒪᑕ ᐃᓕᒌᖑᔪᓄᑦ ᐃᓕᒐᓱᐊᕐᓱᑎᒃ. ᑖᒃᑯᐊ ᑐᓴᕋᑦᓴᐅᑎᓪᓗᒋᑦ ᑐᖓᓕᕆᓕᕐᑕᖓᓂ ᐊᓪᓚᓯᒪᕗᑦ ᐱᑦᔪᑎᖃᕐᓱᑎᒃ ᖃᓄᖅ ᐱᕙᓪᓕᐊᓂᖃᓚᐅᕐᒪᖔᑦᑕ ᐱᖕᖑᐊᑎᑦᓴᓂᒃ ᐃᓕᒌᑦ ᓄᓇᕕᒃ-ᑯᐯᒃᒥᐅᓄᑦ ᐱᓇᓱᐊᕐᓱᑕ ᑕᒡᒐᓂ ᐅᑭᐅᒥ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᕕᑦᔪᐊᕐᓂᒧᑦ.

ᓇᕐᓂᓗᒍ ᑕᒫᓂ ᐊᑖᓃᑦᑐᖅ ᐊᓪᓚᓯᒪᔪᓂᒃ ᓄᐃᑎᑦᓯᒍᓐᓇᖁᑎᑦ ᑐᓴᕋᑦᓴᐅᔪᓂᒃ: ᓀᓕᒋᐊᕐᓯᒪᑎᓪᓗᒋᑦ ᐃᓘᓐᓇᖏᓐᓂᒃ ᐅᓂᒃᑳᓕᐊᕆᓯᒪᔪᓂᒃ - 2014-ᒥ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᕕᑦᔪᐊᕐᓂᕐᒥᒃ


2014-ᒥ ᐅᑭᐅᕐᑕᑐᒥ ᐱᖕᖑᐊᕕᑦᔪᐊᕐᓂᖅ: ᐃᓕᒌᑦ ᓄᓇᕕᒃ-ᑯᐯᒃ ᐊᑐᐃᓐᓇᕈᕐᐳᑦ!

ᑰᑦᔪᐊᖅ, ᑯᐯᒃ, ᒫᑦᔨ 14, 2014 – ᓄᓇᕕᒻᒥᐅᑦ ᓄᓇᓕᓕᒫᓂᑦ ᐱᓯᒪᔪᑦ, ᑭᒡᒐᑐᕐᓱᑎᒃ ᓄᓇᕕᒻᒥᐅᑦ ᑎᒥᖁᑎᖏᓐᓂᒃ, ᐃᑲᔪᕐᑕᐅᑦᓱᑎᒃ, ᐱᖕᖑᐊᑏᑦ, ᐱᖕᖑᐊᑎᑦᓯᔨᖏᑦ ᐊᒻᒪᓗ ᐃᑲᔪᕐᑏᑦ ᐱᓇᓱᑦᑏᑦ ᑲᑎᓯᒪᓕᕐᐳᑦ ᑰᑦᔪᐊᒧᑦ ᐅᓪᓗᒥ ᐊᓕᐊᓲᑎᖃᕐᓱᑎᒃ ᐊᐅᓪᓚᓂᐊᓕᕐᒪᑕ ᐃᓕᒌᑦ ᓄᓇᕕᒃ-ᑯᐯᒃᒥᐅᑦ (TNQ) ᑕᒡᒍᖓ 2014-ᒥ ᐅᑭᕐᑕᑐᒥ ᐱᖕᖑᐊᕕᑦᔪᐊᕐᓂᒧᑦ (AWG) ᕕᐊᕐᐯᒃ ᐊᓛᓯᑲᒧᑦ. (Fairbanks Alaska).

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᐅᑎᓪᓗᒋᑦ ᓄᐃᑎᑕᐅᔪᑦ: ᖁᑭᐅᑎᖃᕐᑮᑦ? ᐊᑦᓱᖏᕐᓯᒪᓗᖏᑦ!

ᒫᑦᔨ 3, 2014 ᑰᑦᔪᐊᖅ, ᑯᐯᒃ – ᑲᑎᕕᒃ ᐳᓖᓯᑯᑦ (KRPF) ᐊᑑᑎᑎᑦᓯᒋᐊᓚᖓᒻᒪᑕ ᓯᕗᓪᓕᐹᑦᓯᐊᒥᒃ ᖁᑭᐅᑎᓂᒃ ᐊᑦᑕᓈᖀᑦᑌᓕᓂᕐᒧᑦ ᐃᒃᐱᒍᓱᓐᓂᒧᑦ ᐅᓪᓗᖃᕐᑎᑦᓯᓂᕐᒥᒃ ᖃᓄᑐᐃᓐᓇᓗ ᐊᑦᑕᓈᕿᑦᑌᓕᓂᕐᒧᑦ ᐱᓇᓱᐊᒃᑫᓚᖓᑦᓱᑎᒃ ᖁᑭᐅᑎᓂᒃ ᐊᐅᓚᑦᓯᓚᖓᔪᖃᑐᐊᕈᓂ ᐊᒻᒪᓗ ᐃᓕᓯᒪᑦᓯᐊᕆᐊᖃᕐᓂᖏᓐᓂᒃ ᖁᑭᐅᑏᑦ ᓄᓇᓕᓕᒫᓂ 14-ᖑᔪᓂ ᐱᒋᐊᕐᓗᑎᒃ ᒫᑦᔨ 3, 2014. KRPF-ᑯᑦ ᐳᓖᓯᖏᑦ, ᐃᑲᔪᕐᑕᐅᓗᑎᒃ ᐳᓖᓯᒃᑯᑦ ᑲᑎᑦᑯᖏᓐᓄᑦ ᐁᑦᑐᑑᑎᖃᖃᑦᑕᓚᖓᒻᒪᑕ ᖁᑭᐅᑏᑦ ᐊᑦᓱᖏᐅᑎᖏᓐᓂᒃ ᐊᑭᖃᖏᑦᑐᓂᒃ ᐊᓪᓚᓯᒪᔪᓂᓪᓗ ᐊᔪᕆᕐᑐᐃᓯᒪᔪᓂᒃ ᖁᑭᐅᑏᑦ ᐊᑦᓱᖏᐅᑎᖏᓐᓂᒃ ᐁᑦᑑᑎᖃᓯᑐᐊᕈᑎᒃ ᐁᑦᑐᐃᖃᑦᑕᓚᖓᒻᒥᔪᑦ.

ᐊᑐᐊᕆᐊᓪᓚᒐᑦᓴᑦ ...


ᓯᕿᓂᐅᑉ ᐊᐅᓚᓂᖓᑕ ᐊᓯᑦᔨᐸᓪᓕᐊᓂᖓ ᐅᑭᐅᒥ 2014

ᑰᑦᔪᐊᖅ, ᑯᐯᒃ, ᕕᕈᐊᕆ 21, 2014 - ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐃᖅᑫᑎᑦᓯᔪᒪᕗᖅ ᓄᓇᕕᒻᒥᐅᓂᒃ ᒫᓐᓇ ᓯᕿᓂᐅᑉ ᐊᐅᓚᓂᖓᑕ ᐊᓯᑦᔨᐸᓪᓕᐊᓂᖓᓃᓕᕐᒥᒐᑦᑕ ᐅᑭᐅᖑᑫᓐᓇᑐᒥ 2014-ᒥ. ᐱᒋᐊᕐᓗᒍ ᕕᕈᐊᕆ 21-ᒥᑦ ᒫᑦᔨ 7-ᒧᑦ, ᓯᕿᓂᐅᑉ ᓄᐃᕕᐊᑕ ᓇᓛᓂᒥᐅᖑᓂᕐᓭᑦ ᓯᕿᖕᖑᔭᖓ ᒪᓕᓪᓗᒍ, ᐃᓚᖓᓂᒃ ᖁᒻᒧᑎᑕᐅᓯᒪᔪᑎᒍᑦ ᐊᓯᐅᔨᓚᐅᕐᑐᖃᑦᑕᓂᐊᕈᓇᐅᖓᑦᑕ ᐱᒋᐊᕐᓗᒍ ᑫᕙᓪᓚᒍᓯᕐᒥᑦ 2:22-ᒥᑦ ᕿᑎᕋᓕᕇᒥᑦ 3:00-ᒧᑦ ᑎᑭᓪᓗᒍ ᖃᐅᑕᒫᑦ ᑌᒣᖃᑦᑕᓂᐊᕈᓇᐅᒻᒪᑦ.

ᐊᑐᐊᕆᐊᓪᓚᒐᑦᓴᑦ ...