ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓄᓂᕚᑦ ᐱᕙᓪᓕᐊᖃᒻᒥᖏᑦ, ᓯᕗᓪᓕᐹᖓᓂ ᑕᕐᕿᑦ ᐱᖓᓱᑕᒫᑦ 2017-ᒥ.

ᑌᒣᒍᓐᓇᑎᑦᓯᑎᓪᓗᒋᑦ ᐱᒋᐊᕐᑎᓯᖃᑎᒌᓐᓂᕕᓂᖏᑦ ᐊᑯᓂ ᐃᑲᔪᕐᑎᒌᑦᓱᑎᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᑫᐋᔩ) ᐊᒻᒪᓗ ᓛᕚᓪ ᐃᓕᓴᕐᕕᔪᐊᑉ, ᓄᓂᕚᑦ ᓄᐃᑕᐅᓯᒪᔪᖅ 2005-ᒥ ᓄᐃᑌᓐᓇᓚᖓᑎᓪᓗᒍ, ᐃᓄᓐᓄᐊᖓᔪᖅ ᐊᒻᒪᓗ ᐃᒻᒥᓂᕐᓱᑐᓄᐊᖓᔪᖅ ᑭᑎᑦᓯᓂᑎᒍᑦ ᖃᐅᔨᒪᒐᓱᐊᕐᓂᓄᑦ ᐱᓇᓱᒐᖅ ᐃᓅᖃᑎᒌᓂ ᒪᑭᑕᒐᓱᐊᕐᓂᒥᒍᑦ ᖃᓄᐃᓕᖓᐅᑕᐅᔪᓂᒃ ᓄᓇᕕᒻᒥ. ᓄᓂᕚᑦ ᓯᕗᒧᐊᑦᑎᑕᐅᔪᖅ ᓚᕚᓪ ᐃᓕᓴᕐᕕᔪᐊᒧᑦ ᐊᒻᒪᓗ ᑫᐋᔩᒧᑦ ᑮᓇᐅᔭᖃᕐᑎᑕᐅᑦᓱᓂ.

 

ᖃᐅᔨᓴᕐᓃᑦ ᐊᒻᒪᓗ ᖃᐅᔨᓴᕐᓂᒧᐊᖓᔪᑦ ᐱᓇᓱᐊᕐᑌᑦ

 

ᓄᓇᕕᒻᒥ ᓂᐅᕕᐊᑦᓭᑦ ᐊᑭᖏᓐᓂᒃ ᖃᐅᔨᓴᕐᓂᖅ – ᑐᓴᕐᑕᐅᑎᑕᐅᓪᓚᕆᓐᓂᖏᑦ ᐊᓂᒍᕐᑎᓗᒋᑦ ᑫᐋᔩᑉ ᓄᓇᓕᓕᒫᓂ ᑲᑎᒪᔨᖏᓐᓄᑦ ᓅᕕᒻᐱᕆᐅᓚᐅᔫᒥ, "ᓂᐅᕕᐊᑦᓭᑦ ᐊᑭᖏᓐᓂᒃ ᖃᐅᔨᓴᕐᓂᒧᑦ ᑐᓴᕐᑎᓯᐅᑏ" ᑐᓴᕐᑕᐅᑎᑕᐅᓕᐅᒥᔮᕐᐸᑐᑦ. ᑐᓴᕐᑎᓯᐅᑏᑦ ᐊᑐᐃᓐᓀᑦ ᓄᓂᕚᑦ ᑐᑭᓯᐅᑎᑦᓴᑕᕐᕕᖏᓐᓂ ᑭᓇᓕᒫᒃᑯᑦ ᑕᑯᒐᓱᐊᕈᓐᓇᕕᖓᓂ ᑕᒪᖏᓐᓂ ᖃᓪᓗᓈᕐᑎᑐᑦ ᐊᒻᒪᓗ ᐅᐃᒍᐃᑎᑐᑦ

ᐊᑐᐊᕆᐊᓪᓚᒐᑦᓴᑦ ...


ᒪᙯᑦᓯᐊᖃᑦᑕᕆᑦᓯ ᐱᖏᓐᓇᕈᓀᓗᓯ!

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᑫᐋᔩ) ᐃᓄᓐᓂᒃ ᐊᑦᑕᓀᑦᑐᒦᑦᑎᓯᓂᕐᓄᑦ ᐱᓇᓱᕝᕕᖓ, ᐃᑲᔪᕐᑕᐅᓱᓂ ᓄᓇᕕᒻᒥ ᐆᒪᔪᕐᓯᐅᑏᑦ ᑲᑐᑦᔨᖃᑎᒌᓐᓂᖓᓄᑦ, ᓄᓇᒦᑦᑐᑦ ᐊᑦᑕᓀᑦᑐᒦᒍᑎᑦᓴᖏᓐᓂᒃ ᐃᕐᙯᑎᑦᓯᕗᑦ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᖅ: ᑲᑎᕕᒃᑯᑦ ᐊᕙᑎᓕᕆᔨᖏᑦ (KEQC) ᐃᓄᓕᒫᕐᑎᓯᓂᖏᑦ ᓯᕗᒧᑦ ᐱᓇᓱᐊᕐᑕᐅᓂᖓᓄᑦ

ᑰᑦᔪᐊᖅ, ᑯᐯᒃ, ᐁᕆᓕ 21, 2017 – ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐃᓚᐅᓂᖃᓚᐅᕐᑐᖅ ᐱᓇᓱᐊᕈᓯᐅᓚᐅᕐᑐᒥᒃ ᐁᕆᓕ 3, 2017 ᐃᓄᓕᒫᕐᑎᓯᓂᕐᒥᓂᒃ ᐃᓂᓪᓚᑎᕐᓯᒪᔭᖓᓂᒃ ᑲᑎᕕᒃᑯᑦ ᐊᕙᑎᓕᕆᔨᒃᑯᖏᓐᓄᑦ (KEQC) ᓴᓪᓗᓂ ᐊᒻᒪᓗ ᑲᖏᕐᓱᔪᐊᒥ ᐱᑦᔪᑎᒋᑦᓱᒋᑦ ᑐᖓᓕᖓᓂᒃ II ᐊᒻᒪᓗ ᐱᖓᔪᖓᓂᒃ III ᓯᕗᒧᑦ ᐱᓇᓱᐊᕐᑕᐅᒍᑎᖓᓂᒃ ᐅᖓᑖᓄᑦ 2020 ᒪᓂᔭᐅᓯᒪᔪᖅ ᑭᓕᐊᓐᑯᐊ ᑲᓇᑕᒥ ᑯᐊᐴᕇᓴᒃᑯᓄᑦ ᓄᓇᖁᑎᒥᓂᒃ ᐅᔮᒃᓚᓐ ᐅᔭᕋᓐᓂᐊᕕᖓᓂᒃ. ᓀᓈᕐᑎᓗᒍ ᑐᓂᔭᐅᓚᐅᕐᑐᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐃᑉᐱᒋᔭᖃᕐᑐᖅ ᐊᕙᑎᓕᕆᓂᕐᒥᒃ ᐊᒻᒪᓗ ᐃᓅᖃᑎᒌᑦ-ᒪᑭᑕᒐᓱᐊᓂᒧᑦ ᐃᓱᒫᓗᑎᒋᔭᐅᔪᑦ ᐱᓇᓱᐊᕈᑕᐅᔪᒧᑦ ᖁᕝᕓᒋᐊᕐᓯᒪᑦᓱᓂᓗ ᐱᑕᙯᓐᓇᕈᓐᓇᑐᓂᒃ ᐱᕙᓪᓕᐊᑎᑦᓯᓂᕐᒥᒃ.

ᐊᑐᐊᕆᐊᓪᓚᒐᑦᓴᑦ ...


ᓄᑖᖅ ᓇᓗᓀᒃᑯᑕᖓ ᓴᓇᔩᑦ ᐱᓇᓱᒐᐅᑉ

Slash Epreuve Logo SANAJIIT 01
2017-ᒥ ᓴᓇᕕᒃ ᓇᓪᓕᐅᑎᓂᐅᔭᕿᓕᕐᒥᒪᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᑫᐋᔩ) ᓴᓇᔩᑦ ᐱᓇᓱᒐᖓ ᓄᐃᑎᑦᓯᒋᐊᓪᓚᓯᒪᓕᕐᑐᖅ ᓇᓗᓀᒃᑯᑕᖓᓂ ᓄᑖᑦᓯᐊᒥᒃ ᑕᕐᓴᑖᕐᓯᒪᓕᕐᓱᓂ.

ᓄᑖᖅ ᓇᓗᓀᒃᑯᑕᖅ

ᐃᓱᒪᒋᔭᐅᑎᓪᓗᒍ ᓄᓇᕕᒻᒥᐅᓂᒃ ᖃᐅᔨᑎᑦᓯᒋᐊᕐᓂᒥᒃ ᐃᓕᒍᒪᒐᔭᕐᑐᓂᒃ ᐱᓇᓱᐊᓯᓗᑎᒃ ᓴᓇᓂᕐᓂ ᐊᒻᒪᓗ ᓄᐃᒋᐊᕐᓗᒋᑦ ᐃᑉᐱᒍᓱᓐᓃᑦ ᐃᓚᒌᓐᓂᒥᒃ ᓄᓇᕕᒻᒥ ᐱᓇᓱᒐᕐᒧᑦ ᐃᓚᒋᔭᐅᕙᑦᑐᑦ. ᐅᖃᐅᓯᖅ ᖃᓪᓗᓈᕐᑎᑐᑦ ᐅᖃᕐᑕᐅᔪᖅ ᓴᓇᔩᑦ ᑐᑭᖓ, ᓄᓇᓕᓐᓂ ᐱᓇᓱᑦᑎᖃᕐᑎᓯᕕᒃ ᓲᔫᒍᑎᖃᕐᑎᑕᐅᔪᓂᒃ ᑲᑐᑦᔨᓂᕐᓄᑦ, ᐃᓚᒌᑦᓯᐊᓂᕐᓄᑦ, ᐊᒻᒪᓗ ᐃᓱᒪᒥᒍᓐᓇᓯᐊᕐᓂᓄᑦ. ᓄᑖᖅ ᑕᕐᓴᖅ ᑕᑯᑦᓴᐅᑎᑦᓯᔪᖅ ᓄᓇᓕᓕᒫᓂᒃ, ᐱᕙᓪᓖᒋᐊᕐᑎᓯᑦᓱᓂᓗ ᐊᖑᑕᐅᒐᓗᐊᕈᑎᒃ ᐊᕐᓇᐅᒐᓗᐊᕈᑎᒃ ᓴᓇᓂᕐᓂ ᐱᓇᓱᐊᕈᓐᓇᑐᓂᒃ, ᐊᒻᒪᓗ ᓄᐃᑕᑎᑦᓯᓚᕆᑦᓱᓂ ᐃᓚᐅᒍᒪᓪᓚᕆᓐᓂᑎᓂᒃ ᐱᓇᓱᑦᑎᐅᓂᑎᒍᑦ ᐱᔪᓐᓇᓯᕙᓪᓕᐊᒍᑎᓂᒃ ᐱᖃᑕᐅᕙᓪᓗᑕ ᐊᕐᖁᑎᒋᓗᒋᑦ ᐃᓕᓐᓂᐊᑎᑕᐅᓃᑦ.

ᓄᑖᖅ ᓴᓇᕕᐅᓚᖓᓕᕐᒥᔪᖅ ᐊᐅᔭᒥ

ᓴᓇᔩᑦ ᐱᓇᓱᒐᖅ ᐅᓪᓗᒥ ᐊᑐᐃᓐᓇᕈᕐᑎᓂᖃᒻᒪᕆᑦᑐᖅ. ᑕᕐᕿᓂ ᐊᓂᒍᕐᑐᓂ, ᐱᓇᓱᒐᖅ ᐊᑦᔨᒌᖕᖏᑐᓂᒃ ᐃᓕᓐᓂᐊᑎᑦᓯᓂᖃᖃᑦᑕᓚᐅᕐᑐᖅ. ᐱᓇᓱᑦᑎᓴᕐᓯᐅᓂᖅ ᐱᒋᐊᕐᓯᒪᓕᕐᑐᖅ, ᓴᓇᓂᕐᓄᑦ ᐱᓇᓱᒉᑦ ᐱᒋᐊᑲᐱᓚᖓᓕᕐᒥᒪᑕ.

ᓄᓇᕕᒻᒥᐅᑦ ᐃᓕᒋᐊᕈᒪᔪᑦ ᓴᓇᓂᕐᓂ ᐱᓇᓱᒐᕐᓄᑦ ᑫᓪᓗᑕᐅᓂᖃᕐᐳᑦ ᓴᓇᔩᑦ ᐱᓇᓱᒐᕐᒧᑦ ᐅᖄᖁᔭᐅᑦᓱᑎᒃ ᐊᕐᖁᑎᒋᓗᒍ Facebook-ᖓ, ᑫᐋᔩᒃᑯᓘᓐᓃᑦ ᖃᕆᑕᐅᔭᑎᒍᑦ ᓄᐃᑕᑎᑦᓯᒍᑎᓄᑦ ᐱᓇᓱᒐᖓᓂᒃ ᑕᑯᒐᓱᐊᕐᓗᑎᒃ ᐅᕝᕙᓘᓐᓃᑦ ᐅᕗᖓ ᐊᑭᖃᖕᖏᑐᒧᑦ ᐅᖄᓗᑎᒃ 1‑877‑964‑2961.

 

Facebook - ᑎᒍᑦ:

facebook

ᑫᐋᔩᑉ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᖓᒍᑦ:

KRG Logo

 


ᐳᓖᓯᒃᑯᑦ ᑐᓴᕋᑦᓴᖏᑦ

ᐁᐸᔭᓕ 1-ᒥ ᐅᓐᓄᓴᒃᑯᑦ, 12-ᓂᒃ ᐅᑭᐅᓕᒃ ᐸᓂᒃ ᐃᓛᓂᐅᖕᖏᑐᖅ ᓂᐊᕐᖁᐊᑕᐅᓚᐅᔫᖅ ᕼᐊᑭᕐᑐᑦ ᐊᓇᐅᓪᓚᒐᖓᓄᑦ ᕼᐊᑭᕐᑎᓗᒋᑦ ᑕᑯᓐᓇᐅᔮᕐᑎᓗᒍ ᓴᓪᓗᐃᑦ, ᓄᓇᕕᒻᒥ. ᐋᓐᓂᐊᓯᐅᑎᓄᑦ ᑲᑎᒪᒋᔭᐅᓚᐅᔫᖅ ᓂᐊᕐᖁᐊᑕᐅᒻᒪᑦ.

ᐊᓪᓕᑐᓂ ᐅᓪᓛᑯᑦ, ᓴᓪᓗᐃᑦ ᐋᓐᓂᐊᓯᐅᑎᒃᑯᖏᓐᓂ ᐃᓅᒍᓐᓀᓂᖓ ᑐᓴᕐᑕᐅᑎᑕᐅᓚᐅᔫᖅ. ᒪᓐᑐᔨᐊᓚᒥ ᑎᒥᖓ ᖃᐅᔨᓴᕐᑕᐅᒍᒪᓯᒪᒻᒪᑦ ᑐᖁᔪᓂᒃ ᖃᐅᔨᓴᕐᑎᒧᑦ ᖃᐅᔨᓴᕐᑕᐅᔪᖅ. ᑲᑎᕕᐅᑉ ᐳᓖᓯᖏᑦ ᐊᒻᒪᓗ ᑯᐯᑉ ᐳᓖᓯᖏᑦ ᑲᑐᑦᔨᓱᑎᒃ ᑖᑦᓱᒥᖓ ᐱᓂᕐᓗᓂᐅᓚᐅᕐᑐᒥᒃ ᓱᓪᓚᕆᓐᓂᒪᖔᑦ ᓱᕐᖁᐃᓯᖃᑎᒌᒐᓱᐊᕐᑐᑦ.

ᐊᑐᐊᕆᐊᓪᓚᒐᑦᓴᑦ ...