ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐊᑦᑕᓇᖕᖏᑐᑦᓯᐊᒥᒃ ᐊᓕᐊᒋᓗᒍ ᐃᒪᖅ!

 ᑰᑦᔪᐊᖅ, ᔪᓓ 5, 2017 - ᓇᐅᓕᒫᓂᒃ ᐊᑦᑕᓇᕐᑐᒦᑦᑎᓯᑦᑌᓕᓂᕐᒥᒃ ᐱᒍᑦᔨᕕᖓ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ ᐱᒋᐊᖕᖓᐅᑎᖃᓯᒋᕗᖅ ᑕᒡᒐᓂ ᐅᐱᕐᖔᖑᓚᖓᔪᒥᒃ ᖃᐅᔨᓵᕆᖃᑦᑕᖏᓐᓇᓂᕐᒥᒃ ᖁᕝᕙᕆᐊᒋᖏᓐᓇᖃᑦᑕᓂᒃᑯᑦ ᐅᒥᐊᕐᑐᓂᕐᒥᒃ ᐊᑦᑕᓇᕐᑐᒦᑦᑌᓕᒋᐊᖃᕐᓂᐅᑉ ᒥᑦᓵᓄᑦ. ᐊᑦᔨᒌᖕᖏᑐᑦ ᐱᒋᐊᕐᑎᓯᒍᑎᑦᓭᑦ ᐸᕐᓇᑕᐅᓯᒪᖕᖑᓱᑦᑐᑦ ᖃᐅᔨᓵᕆᓂᕐᒧᑦ ᐊᒻᒪᓗ ᖁᕝᕙᒋᐊᕆᓂᕐᒧᑦ ᐊᑦᑕᓇᖕᖏᑐᒥᒃ ᐱᐅᓯᖃᕆᐊᖃᕐᓂᒥᒃ ᐃᒫᓃᑦᑐᖃᓕᕈᓂ ᓯᓈᓃᑦᑐᖃᓕᕈᓂᓗ. ᑐᓵᒐᓱᐊᖃᑦᑕᓗᑎᑦ ᓄᓇᓕᐅᑉ ᑐᓴᐅᑎᖓᓂᒃ ᐊᒻᒪᓗ ᓄᓇᓖᑦ ᑐᓴᐅᑎᖏᓐᓂᒃ ᐊᑦᑕᓇᕐᑐᒦᑦᑎᓯᑦᑌᓕᓂᐅᑉ ᒥᑦᓵᓄᑦ ᐅᖃᐅᓯᖃᕐᑐᓂᒃ ᐊᒻᒪᓗ ᐊᓯᖏᓐᓂᒃ ᑐᓴᕋᑦᓴᓂᒃ ᐊᑐᐃᓐᓇᐅᓯᐊᕆᐊᖃᕐᓂᒥᒃ ᐅᒥᐊᕐᑐᓂᕐᒧᑦ, ᐃᖃᓪᓕᐊᒋᐊᕐᓂᒧᑦ ᐊᒻᒪᓗ ᐳᐃᑦᔪᕋᕆᐊᕐᑐᓂᕐᒧᑦ.

ᐊᑐᐊᕆᐊᓪᓚᒐᑦᓴᑦ ...


ᓄᓂᕚᑦ ᐱᕙᓪᓕᐊᖃᒻᒥᖏᑦ, ᑐᖓᓕᐊ ᓯᑕᒣᓄᑦ 2017-ᒥ

ᑌᒣᒍᓐᓇᑎᑦᓯᑎᓪᓗᒋᑦ ᐱᒋᐊᕐᑎᓯᖃᑎᒌᓐᓂᕕᓂᖏᑦ ᐊᑯᓂ ᐃᑲᔪᕐᑎᒌᑦᓱᑎᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᑫᐋᔩ) ᐊᒻᒪᓗ ᓛᕚᓪ ᐃᓕᓴᕐᕕᔪᐊᑉ, ᓄᓂᕚᑦ ᓄᐃᑕᐅᓯᒪᔪᖅ 2005-ᒥ ᓄᐃᑌᓐᓇᓚᖓᑎᓪᓗᒍ, ᐃᓄᓐᓄᐊᖓᔪᖅ ᐊᒻᒪᓗ ᐃᒻᒥᓂᕐᓱᑐᓄᐊᖓᔪᖅ ᑭᑎᑦᓯᓂᑎᒍᑦ ᖃᐅᔨᒪᒐᓱᐊᕐᓂᓄᑦ ᐱᓇᓱᒐᖅ ᐃᓅᖃᑎᒌᓂ ᒪᑭᑕᒐᓱᐊᕐᓂᒥᒍᑦ ᖃᓄᐃᓕᖓᐅᑕᐅᔪᓂᒃ ᓄᓇᕕᒻᒥ. ᓄᓂᕚᑦ ᓯᕗᒧᐊᑦᑎᑕᐅᔪᖅ ᓚᕚᓪ ᐃᓕᓴᕐᕕᔪᐊᒧᑦ ᐊᒻᒪᓗ ᑫᐋᔩᒧᑦ ᑮᓇᐅᔭᖃᕐᑎᑕᐅᑦᓱᓂ.

 

ᖃᐅᔨᓴᕐᓂᖅ ᐊᒻᒪᓗ ᑕᒪᑦᓱᒧᖓᐅᓕᖓᔪᓂᒃ ᓱᖃᑦᓯᐅᑏᑦ

 

ᓄᓇᕕᒻᒥ ᐃᓅᒐᓱᐊᕐᓂᐅᑉ ᖃᑦᓯᕌᓐᓂᒦᒻᒪᖔ ᖃᐅᔨᓴᕐᑕᐅᓂᖓ –ᖃᐅᔨᓴᕐᑕᐅᒍᑎᕕᓃᑦ ᓄᓇᕕᒻᒥ ᐃᓅᒐᓱᐊᕐᓂᐅᑉ ᐊᑭᑐᓂᖓᑕ ᖃᐅᔨᓴᕐᑕᐅᓂᖓ ᓴᖅᑭᑎᑕᕕᓂᐅᕗᑦ ᓯᓚᕐᔪᐊᒥᐅᑦ ᑲᑎᒪᔨᖏᑦᑕ ᐅᑭᐅᕐᑕᑐᒥᒃ ᐃᓅᖃᑎᒌᓐᓂᖓᑕ ᓴᑐᐃᔦᓂᖅ IX 2017 in Umeå, Sweden.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓭᑦ: ᓄᑖᖅ ᒫᓐᓇᓯᐅᑎᒃ ᐃᓪᓗᓂᒃ ᐊᑦᑕᑐᕐᓂᓄᑦ ᐊᑭᓄᑦ ᑯᐯᒻᒧᑦ ᐊᖏᕐᑕᖅ

ᑰᑦᔪᐊᖅ, ᑯᐯᒃ, ᔫᓂ 22, 2017 – ᒫᓐᓇᓯᐅᑎᒃ ᐃᓪᓗᓂᒃ ᐊᑦᑕᑐᕐᓂᓄᑦ ᐊᑮᑦ ᑐᓴᕐᑕᐅᑎᑕᐅᓚᐅᔪᒻᒪᑕ ᑕᕐᕿᐅᓚᐅᔫᒥ ᑲᔪᓯᑎᑕᐅᓯᔪᖅ ᑯᐯᒻᒥ ᑐᕐᖃᑕᕐᕖᑦ ᐱᖁᔭᓕᐅᕐᕕᖓᓄᑦ ᓂᕈᐊᕐᑕᐅᓯᒪᔪᓄᑦ. ᓄᑖᖅ ᒪᓕᒑᐱᒃ  ᓄᐃᑕᖅ ᑐᕌᕐᑎᓗᒍ ᐊᑐᓕᕐᑎᑕᐅᓂᖓ 120-ᓂ ᐅᓪᓗᓂ ᓄᓇᕕᒻᒥᐅᓄᑦ ᐃᓄᓐᓄᑦ ᐃᓕᒪᓚᖓᔪᖅ ᓄᑖᓄᑦ ᐃᓪᓗᐃᑦ ᐊᑭᒋᓚᖓᓕᕐᑕᖏᓐᓄᑦ ᑭᖑᓂᕐᒥᓂᑌᑦ ᐲᕐᑕᐅᒥᑎᓪᓗᒋᑦ, ᐊᒻᒪᓗ ᔪᓓ 1, 2016-ᒥᓂᑦ ᐊᑭᑭᓪᓕᑎᕐᓯᒪᓚᖓᒍᓇᐅᓕᕐᓱᑎᒃ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓭᑦ: ᑯᐯᒃ ᐱᒋᐊᕐᑎᓯᔪᖅ ᓯᕗᓪᓕᐹᒥᒃ ᑐᕐᖃᑕᕐᕕᑎᒎᕐᑐᓂᒃ ᐋᕐᖀᓯᒪᐅᑎᐅᓚᖓᔪᓂᒃ ᐱᓇᓱᒐᑦᓴᓂᒃ ᐃᓕᔭᐅᒍᑎᒋᔭᖏᓐᓂ ᓄᓇᓕᑐᖃᑦᓴᔦᑦ ᐊᒻᒪᓗ ᐃᓄᐃᑦ

ᑯᐯᒃ ᓯᑎ, ᔫᓂ 13, 2017 – Gouvernement du Québec ᑯᐯᒃ ᑲᕙᒪᖓ ᐅᓪᓗᒥ ᐱᒋᐊᕐᑎᓯᔪᖅ ᓯᕗᓪᓕᐹᓂᒃ ᑐᕐᖃᑕᕐᕕᑎᒎᕐᑐᓂᒃ ᐋᕐᖀᓯᒪᐅᑎᐅᓚᖓᔪᓂᒃ ᐱᓇᓱᒐᑦᓴᓂᒃ ᐃᓕᔭᐅᒍᑎᒋᔭᖏᓐᓂ ᓄᓇᓕᑐᖃᑦᓯᔦᑦ ᐊᒻᒪᓗ ᐃᓄᐃᑦ, ᐊᑐᑦᓯᐊᓂᕐᓴᐅᖃᑦᑕᓚᖓᖁᓕᕐᓱᒋᑦ ᑯᐯᑉ ᐃᓱᒪᒥᐅᑎᖏᓐᓂᒃ ᐅᓄᕐᓰᒋᐊᕈᑎᒋᑦᓱᒋᑦ ᐃᓚᐅᕙᒋᐊᖃᕐᓂᖏᓐᓂᒃ ᐱᓇᓱᒐᑦᓴᐅᕙᑦᑐᓄᑦ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓭᑦ: ᓄᑖᖅ ᑲᑎᕕᐅᑉ ᐳᓖᓯᖏᑦᑕ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᖓ

ᑰᑦᔪᐊᖅ, ᑯᐯᒃ. ᔫᓂ 8, 2017 – ᑲᑎᕕᐅᑉ ᐳᓖᓯᖏᑦ ᐅᓪᓗᒥ ᓄᐃᑦᓯᓚᖓᓕᕐᑐᑦ ᓄᑖᒥᒃ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᑦᑖᒥᓂᒃ, www.krpf.ca, ᓄᐃᑕᖃᑦᑕᓚᖓᔪᑦ ᐃᓄᑦᑎᑑᕐᑐᑦ, ᖃᓪᓗᓈᕐᑎᑑᕐᑐᑦ ᐊᒻᒪᓗ ᐅᐃᒍᐃᑎᑑᕐᑐᑦ. ᓄᑖᖅ ᓄᐃᑕᑎᑦᓯᕕᒃ ᐱᕙᓪᓖᒋᐊᕈᑕᐅᓚᖓᔪᖅ ᐊᑦᑕᓀᑦᑐᒦᒍᑎᑦᓴᓂᒃ ᓯᓚᑦᑐᓭᒍᑎᓂᒃ ᐊᑦᑕᓇᕐᑐᒦᑦᑎᓯᑦᑌᓕᒍᑎᓂᒃ, ᐊᒻᒪᓗ ᐃᓗᓕᖃᕐᓗᑎᒃ ᐊᓯᖏᓐᓂᒃ ᑐᓴᕋᑦᓴᓂᒃ ᑐᑭᓯᐅᑎᑦᓴᓂᓪᓗ ᐃᓕᖓᔪᓂᒃ ᑭᓇᑐᐃᓐᓇᑯᑦ ᓄᓇᕕᒻᒥ ᐊᑦᑕᓀᑦᑐᒦᑦᑎᑕᐅᓂᖏᓐᓄᑦ.

ᐊᑐᐊᕆᐊᓪᓚᒐᑦᓴᑦ ...