ᐅᑭᐅᕐᑕᑐᒥ ᐱᙳᐊᓂᕐᔪᐊᓕᕆᓂᖅ

ᑖᒃᑯᐊ ᐅᑭᐅᕐᑕᑐᒥ ᐅᑭᐅᒃᑯᑦ ᐱᙳᐊᓂᕐᔪᐊᑦ (AWG) ᐅᕙᓃᑦᑐᑦ ᖃᕆᑕᐅᔭᒃᑯᑦ ᑕᑯᔭᕈᒪᒍᑦᓯᒋᑦ ᐳᕐᑐᔪᒦᑦᑐᖅ-ᐊᓚᒃᑲᐅᒪᓂᖓ, ᓄᓇᕐᔪᐊᒥᐅᑎᒍᑦ ᐱᙳᐊᓂᕐᓂ ᐱᓕᐅᑎᓂᖃᓲᖅ ᑕᕐᕋᒥᐅᓄᑦ ᐱᙳᐊᑎᓄᑦ.  ᑖᒃᑯᐊᓕ ᓯᓚᕐᔪᐊᓕᒫᒥ ᐊᒥᓲᓂᕐᐹᓯᐊᑦ ᑕᕐᕋᒥᐅᖑᑦᓱᑎᒃ ᐊᑦᔨᒌᙱᑐᓂᒃ-ᐃᙯᑦᑐᓄᑦ ᐱᙳᐊᑎᓄᑦ ᐊᒻᒪᓗ ᐱᐅᓯᑐᖃᕐᓄᐊᖓᔪᑎᒍᑦ ᐱᙳᐊᓂᕐᓂ.  ᑖᓐᓇ ᐅᑭᐅᕐᑕᑐᒥᐅᑦ ᐱᙳᐊᓂᕐᔪᐊᖓ ᐱᕕᑦᓴᓯᐊᖑᓲᖅ ᓲᖑᓯᒋᐊᕐᓂᕐᒥᑦ ᐱᙳᐊᓂᒃᑯᑦ ᐱᕙᓕᐊᓂᑦᓱᓂ ᐃᓚᐅᔪᐃᑦ ᐱᙳᐊᖃᑕᐅᕕᒋᔪᓐᓇᑕᖏᓐᓂ, ᑫᓪᓚᑐᐃᒍᑎᖃᕈᓐᓇᓱᑎᓪᓗ ᐱᕙᓪᓕᑕᐅᒍᑎᓂᒃ ᐱᙳᐊᓂᕐᑎᒍᑦ, ᐱᓇᓱᐊᖃᑎᒌᓐᓂᓗ ᐱᕙᓪᓕᑕᐅᑦᓱᓂ, ᐊᒻᒪᓗ ᑫᓪᓚᑐᐃᕕᒋᓗᒋᑦ ᐱᐅᓯᑐᖃᕐᒥᓐᓂᒃ ᐃᓪᓕᓇᕐᑐᖁᑎᖃᕐᓂᒥᑦ (ᐱᒻᒪᕆᒋᔭᒥᓐᓂᒃ ᐅᑉᐱᕆᔭᖃᕐᓂᑯᑦ).  

ᑕᒡᒐᓂᓕ ᖁᓕᐅᙱᒐᕐᑐᓂᒃ ᓄᓇᕐᔪᐊᒥ ᓄᓇᖃᕐᕕᓂᑦ ᐅᑭᐅᕐᑕᑐᒥ ᐱᓯᒪᔪᖃᓲᖅ ᐁᑎᑕᕕᓂᐅᔪᓂᒃ ᐱᓕᐅᑎᒋᐊᕐᑐᖃᑕᐅᓂᐊᕐᑎᓪᓗᒋᑦ ᑕᒡᒐᓂ ᐱᙳᐊᓂᕐᔪᐊᒥ (AWG): ᐊᓛᔅᑲᒥᒃ, ᔫᑳᓐ, ᓄᓇᓯᐊᖅ, ᐊᓪᕘᑕ ᑕᕐᕋᖓᓂᑦ, ᓄᓇᕘᕐᒥᒃ, ᐊᑯᑭᑦᑐᓂᒃ, ᔭᒥᐊᓪᒥᑦ (ᔮᒪᓂᒃᑯᓂᒃ), ᓄᓇᕕᒻᒥᑦ (ᑯᐯᒃ) ᐊᒻᒪᓗ ᓵᒥᓂᑦ (ᔅᑳᓐᑎᓈᕕᐊᒥᒃ).  ᑲᒪᒋᔭᐅᑦᓯᐊᒪᕆᓲᑦ ᐱᙳᐊᓂᖏᑦ ᐊᑐᓂ ᐅᑭᐅᕐᑕᑐᒥ ᓄᓇᖃᕐᕕᒥᑦ ᐱᓯᒪᔪᐃᑦ, ᐆᒃᑑᑎᒋᓪᓗᒍ ᐅᑭᐅᕐᑕᑐᒥ ᐱᙳᐊᕈᓰᑦ ᐊᒻᒪᓗ ᑎᐊᓀᒃᑯᑦ ᐊᓪᓓᑦ ᐱᙳᐊᕈᓯᖏᑦ.  ᑖᒃᑯᐊ ᐱᙳᐊᕈᓰᑦ ᑖᑦᓱᒥᖓ ᐅᑭᐅᕐᑕᑐᒥᐅᑦ ᐱᙳᐊᓂᕐᔪᐊᖓᓂᑦ ᐊᑦᔨᐅᖏᑦᑐᒥᑦ ᓄᐃᑕᓚᕿᑎᑦᓯᒪᑕ ᑲᑎᕝᕕᐅᓲᒥᒃ; ᑖᓐᓇᓗ ᑖᓐᓇᑐᐊᑦᓯᐊᖑᑦᓱᓂ ᓯᓚᕐᔪᐊᒥᐅᓂᑦ ᐊᑦᔨᒌᙱᑐᓂᒃ ᐱᙳᐊᕆᐊᕐᑐᕕᐅᓲᖅ ᓇᓗᓀᕐᑕᐅᒪᔪᒥᓪᓗ ᐃᓕᑕᕆᔭᐅᑦᓯᐊᑐᒥᒃ ᕿᒻᒪᖁᑎᐅᓯᒪᔪᓂᑦ ᐱᙳᐊᕕᐅᓲᖑᒻᒪᑦ.

ᑌᒪᓕ ᑕᒡᒍᖓ ᓄᓇᖃᕐᕕᒥᐅᑉ ᐅᑎᓚᐅᕐᓯᒪᑎᓪᓗᒋᓂᑦ ᐊᕐᕌᒎᒃ ᒪᕐᕈᑕᒫᑦ ᐅᑭᐅᕐᑕᑐᒥᐅᑦ ᐅᑭᐅᒃᑯᑦ ᐱᙳᐊᓂᕐᔪᐊᖓᓄᑦ ᙯᑯᔭᐅᒪᔫᖃᑕᐅᑐᐃᓐᓇᕋᓗᐊᕐᓱᑎᒃ 2000-ᖑᑎᓪᓗᒍ ᒍᐃᑦᖁᐊᔅᒥ, ᔫᑲᓐ, ᐃᓕᒌᑦ-ᓄᓇᕕᒻᒥᐅᑦ ᑯᐯᒻᒥ ᐱᕈᕐᐹᓪᓕᓯᒪᔪᒻᒪᕆᐅᓕᕐᑐᑦ ᓲᖑᓂᕐᓴᒪᕆᐅᓕᕐᓱᑎᓪᓗ, ᑕᒪᖏᒍᑦ ᐱᙳᐊᑏᑦ ᐱᙳᐊᓂᖏᒍᑦ ᐊᒻᒪᓗ ᐋᕐᕿᓱᕐᑕᐅᓯᒪᓂᖓᒍᑦ. ᐃᑲᔪᕐᓯᒐᓱᐊᕐᓱᒋᑦ ᐊᑐᐃᓐᓇᕈᕐᑎᓂᒃᑯᑦ ᐱᙳᐊᑎᖁᑎᓄᑦᑦ ᐊᒻᒪᓗ ᓯᕗᓕᐅᕐᓯᒪᑦᓯᐊᕋᓱᐊᕐᓱᒋᑦ, ᑖᓐᓇ ᓱᖃᑦᓯᓂᓕᕆᓂᕐᒥᑦ ᐱᓇᓱᐊᕐᕕᒃ ᐋᕐᕿᓱᐃᖃᑦᑕᓲᖅ ᓄᓇᓕᑦᑎᒍᑦ ᓄᓇᓕᓕᒫᕐᑎᒍᓪᓗ ᐱᓕᐅᑎᓂᕐᓂᒃ _ᑖᒃᑯᓈᓐᓂ ᐊᕐᕌᒎᓐᓂ ᒪᕐᕉᓂᒃ ᓯᕕᑐᓂᓖᓐᓂ ᐊᑯᓐᓂᐊᓂ ᐱᙳᐊᓂᕐᔪᐊᖅ ᐊᑑᑎᖏᓂᖓᓂ.  ᐱᙳᐊᑏᑦ ᐃᓚᒋᔭᐅᓕᕐᑐᑦ ᑕᒡᒐᓂ ᐃᓕᒌᑦ-ᓄᓇᕕᒻᒥᐅᑦ ᑯᐯᒻᒥ ᑎᒍᔭᐅᖃᑦᑕᓲᑦ ᑐᙵᕕᒋᔭᐅᑎᓪᓗᒋᑦ ᐱᙳᐊᕈᓐᓇᓂᖏᑦ, ᐱᙳᐊᓯᐊᕈᓐᓇᓂᖏᑦ ᐊᒻᒪᓗ ᓯᕗᓕᕈᓐᓇᓂᒃᑯᑦ ᐱᓯᑎᐅᓂᖏᓐᓂᒃ.

ᑖᒃᑯᐊ ᑯᐯᒃᑯᑦ ᑐᕐᖃᑕᕐᕕᖓᑦ ᐃᓕᓐᓂᐊᓂᕐᒧᑦ, ᐱᙳᐊᓂᕐᒧᑦ ᐊᒻᒪᓗ ᐃᙯᑦᑐᐃᑦ ᐱᙳᐊᓂᓕᕆᔭᐅᓂᖓᒍᑦ ᐅᑯᐊ ministère de l'Éducation, du Loisir et du Sport (ᐃᓕᓐᓂᐊᓂᖅ, ᓱᖃᑦᓯᓂᓕᕆᓂᖅ ᐊᒻᒪᓗ ᐃᙯᑦᑐᐃᑦ ᐱᙳᐊᓂᖓ), ᐅᑯᐊ ᓴᐳᑏᑦ ᐃᓅᓱᑦᑐᓄᑦ ᑲᑐᑦᔨᖃᑎᒌᓐᓂᖓ, ᑲᑎᕕᒃ ᐃᓕᓐᓂᐊᓂᓕᕆᓂᖅ, ᒪᑭᕝᕕᒃ ᑯᐊᐳᕇᓴ ᐊᒻᒪᓗ ᐃᓄᐃᑦ ᖃᖓᑦᑕᔫᖏᑦ ᐱᒻᒪᕆᐅᑦᓱᑎᒃ ᐱᓇᓱᐊᖃᑎᒌᖃᑎᒋᔭᐅᔪᑦ.  ᐃᓕᒌᑦ-ᓄᓇᕕᒻᒥᐅᑦ ᑯᐯᒻᒥ ᐃᑲᔪᕐᓯᔭᐅᒪᓲᖑᒻᒥᔪᑦ ᐊᓯᖏᓐᓂᒃ ᑎᒥᐅᔪᓂᑦ.

http://www.arcticwintergames.org/