ᐃᓕᒌᑦ ᓄᓇᕕᒻᒥᐅᑦ-ᑯᐯᒃ
ᓱᔪᕕᓂᐅᓂᖏ
ᑯᐯᒃᑯᑦ ᐁᑎᑦᓯᓚᐅᔪᔪᑦ ᐃᙯᑦᑐᓂᒃ ᐱᙳᐊᑎᓂᒃ ᐅᑭᐅᕐᑕᑐᒥ ᐅᑭᐅᒃᑯᑦ ᐱᙳᐊᕐᔪᐊᖓᓐᓄᑦ (AWG) 1972-ᖑᑎᓪᓗᒍ, 1974, 1976 ᐊᒻᒪᓗ 1986. ᐃᓕᒌᑦ-ᓄᓇᕕᒻᒥᐅᑦ ᑯᐯᒻᒥ ᑲᔪᓯᖃᑕᐅᖃᑦᑕᓯᒪᓕᕐᑐᑦ ᑕᒪᒃᑯᓇᓂ ᐱᙳᐊᓂᕐᓂ ᐊᕐᕌᒎᑉ ᐁᑉᐸᖓᓂ ᑕᒫᑦ 2000-ᒥᓂᑦ.
ᐃᓕᒌᑦ-ᓄᓇᕕᒻᒥᐅᑦ ᑯᐯᒻᒥ ᒫᓐᓇᐅᑎᓪᓗᒍ ᐃᓚᐅᕕᐅᓲᑦ 48-ᓄᑦ ᐱᙳᐊᑎᓄᑦ, ᐱᖓᓲᔪᕐᑐᑦ ᐱᐅᓯᑐᖃᕐᑎᒍᑦ ᐱᙳᐊᑏᑦ, 12 ᑫᓪᓚᑐᐃᔩᑦ ᐊᒻᒪᓗ ᑕᓪᓕᒪᑦ ᐊᐅᓚᒋᐊᖃᓕᕐᒪᑕ ᑲᒪᔩᑦ. ᐱᙳᐊᑎᕗᑦ ᐃᓚᐅᖃᑦᑕᓲᑦ ᑕᓪᓕᒪᓂ ᐊᑦᔨᒌᙱᑐᓂ ᐱᙳᐊᓂᕐᓂ: ᐅᑭᐅᕐᑕᑐᒥ ᐱᙳᐊᓂᑦ, ᐊᓪᓓᑦ ᑎᐊᓀᑯᑦ ᐱᙳᐊᕈᓯᖏᓐᓂ, ᕚᑦᒥᓐᑕᓐ, ᓵ ᖄᖓᓂ ᐊᓇᐅᓪᓚᑐᑦ ᐊᒻᒪᓗ ᑕᓪᓗᓕᔭᕐᑐᓂ. ᑕᒪᐅᖓ ᑎᑭᑦᓱᒍ, ᐱᙳᐊᑎᕗᑦ ᐱᓯᑎᒻᒪᕆᐅᔪᑦ ᐅᑭᐅᕐᑕᑐᒥ ᐱᙳᐊᕈᓯᕐᓂ ᐊᒻᒪᓗ ᐊᓪᓓᑦ ᑎᐊᓀᒃᑯᑦ ᐱᙳᐊᕈᓯᖏᓐᓂ, ᑖᒃᑯᓇᓂᓗ ᐊᑦᔨᒌᙱᑐᓂ ᐱᐅᓯᑐᖃᖁᑦ ᐱᙳᐊᕈᓯᖏᓐᓂ ᐱᓕᐅᑎᖃᑦᑕᓲᑦ ᐃᓘᓐᓇᖏᓐᓂ ᐊᑦᔨᒌᙱᑑᑏᑦ ᐱᐅᓯᑐᖃᕐᑎᒍᑦ ᐱᙳᐊᓕᕐᒪᑕ ᐊᓕᐊᒋᔭᐅᒻᒪᕆᓲᑦ ᓇᑭᑐᐃᓐᓇᖅ ᐅᑭᐅᕐᑕᑐᒥᑦ ᐱᓯᒪᔪᓄᑦ.
ᐃᓕᒌᑦ-ᓄᓇᕕᒻᒥᐅᑦ ᑯᐯᒻᒥ ᐱᐅᓯᑐᖃᕐᑎᒍ ᐱᙳᐊᑎᖏᑦ ᐃᓚᐅᖃᑦᑕᓲᑦ ᐱᐅᓯᑐᖃᕐᓄᐊᖓᔪᑎᒍᑦ ᑕᐅᕐᓰᑕᕐᓱᑎᒃ, ᖃᐅᑕᒫᕐᑎᒍᓪᓗ ᖃᓄᐃᓕᐅᕐᓂᓂ ᐃᓚᒋᔭᐅᓲᑦ ᐊᒻᒪᓗ ᒪᕐᕉᓂ ᐊᓕᐊᓲᑎᖃᕐᓱᑎᒃ ᑲᑎᒪᓂᖃᓲᑦ ᑌᑲᓂ ᐅᑭᐅᕐᑕᑐᒥ ᐱᙳᐊᓂᕐᔪᐊᒥ. ᐊᓯᒥᓐᓂᓗ ᓄᓇᖃᑎᒋᙱᑕᒥᓂᒃ ᑲᑎᑦᓯᒍᓐᓇᓯᓲᖑᒻᒥᔪᑦ ᓯᓚᕐᔪᐊᒥᐅᓂᑦ ᐱᓯᒪᔪᓂᒃ ᐊᒻᒪᓗ ᑲᑐᑦᔨᖃᑎᒌᑦᓱᒋᑦ ᐱᓯᑎᐅᒍᑎᒥᓐᓂᒃ ᐅᐱᒍᓲᑎᖃᕐᓱᑎᓪᓗ ᓄᓇᕕᒻᒥᐅᖑᒋᐊᒥᒃ, ᐊᒻᒪᓗᒐᓴᒃ ᐃᓕᑦᓯᕙᓪᓕᐊᒥᑦᓱᑎᒃ ᐊᓯᒥᑕ ᐅᑭᐅᕐᑕᑐᒥᐅᑦ ᐱᐅᓯᑐᖃᖏᓐᓂᒃ.
