ᐃᓗᓐᓈᒍᑦ ᑐᑭᓯᒪᒐᑦᓴᐃᑦ
ᐊᐅᓚᑦᓯᓂᓕᕆᕕᒃ ᑲᒪᒋᔭᖃᕐᑐᖅ ᓴᐳᑦᔨᓯᒪᔨᐅᓂᕐᒥᒃ ᐊᑦᔨᒌᙱᑐᓂᓪᓗ ᐱᒍᑦᔨᒍᔨᒍᑎᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᓇᓱᕝᕕᖁᑎᓕᒫᖏᓐᓂᒃ, ᑎᒥᐅᓪᓗ ᑲᑎᒪᔨᖏᓐᓂᒃ ᐳᕐᑐᓂᕐᓴᓂᓪᓗ. ᑖᓐᓇ ᐱᓇᓱᐊᕐᕕᒃ ᐅᑯᓂᖓᓗᐊᙳᐊᖅ ᑕᓪᓕᒣᓕᕿᖓᔪᓂᒃ ᐱᓇᓱᐊᒐᓕᒃ:
• ᐊᑦᓱᓈᑲᙱᑐᒃᑯᑦ ᖃᕆᑕᐅᔭᒃᑰᕈᓐᓇᑎᑦᓯᓂᖅ
• ᖃᕆᑕᐅᔭᓕᕆᓂᖅ
• ᐃᓪᓗᐃᑦ ᓯᖁᒥᑦᓯᒪᔪᕐᓂᐊᑕᐅᓂᖓ ᐱᐅᒃᑯᑏᓪᓗ ᑲᒪᒋᔭᐅᓂᖓ
• ᓂᐅᕕᕋᕐᑎᐅᓂᖅ ᐊᐅᓪᓚᑲᑦᑕᕆᐊᓖᓪᓗ ᐊᕐᕿᓱᐃᒍᑦᔭᐅᓂᖓ
• ᑐᓴᐅᒪᖃᑎᒌᑦᑎᓯᓂᖅ
ᑖᓐᓇ ᐱᓇᓱᐊᕐᕕᒃ ᑮᓇᐅᔭᖃᕐᑎᑕᐅᓲᖅ ᐊᐅᓚᑦᓯᓂᕐᒧᐊᖓᔪᓂᒃ ᐊᑭᓖᑎᑦᓯᒍᑎᖏᑎᒍᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ, ᐊᑦᔨᒌᙱᑐᐃᑦ ᑲᕙᒪᒃᑯᑎᒍᑦ ᐊᖏᖃᑎᒌᒍᑏᑦ ᐊᕐᖁᑕᐅᑎᓪᓗᒋᑦ. ᐃᓗᐃᒃᑲᐅᓕᕿᖓᔪᓂᒃ ᑮᓇᐅᔭᖃᕐᑎᑕᐅᓂᕐᒧᑦ ᐊᖏᖃᑎᒌᒍᑎᖓ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᓯᕗᓂᕐᒧᑦ ᐊᖏᖃᑎᒌᒍᑎᒃ) ᐃᓚᒋᔭᐅᑎᓪᓗᒍ.
