ᐃᓘᓐᓈᒎᕐᑐᑦ ᖃᐅᔨᒪᔭᑦᓭᑦ
ᐊᑑᑎᒋᓗᐊᙳᐊᑐᖅ ᐱᖁᔭᓕᕆᓂᕐᒥᒃ ᐊᒻᒪᓗ ᓄᓇᓕᒻᒥᒃ ᐊᐅᓚᑦᓯᓂᕐᒥᒃ ᐱᓇᓱᕝᕕᒧᑦ ᐃᓕᖓᕗᖅ ᓴᐳᒻᒥᖏᓐᓇᓂᕐᒧᑦ ᑯᒻᒪᓇᕐᑐᖁᖏᓐᓂᒃ ᕗR(-ᑯᑦ ᓱᕐᖁᐃᑎᐅᑦᓱᓂ ᐱᖁᔭᕐᑎᒍᑦ ᐊᑑᑎᖃᑦᑕᕆᐊᓕᖏᑦ ᒪᓕᑦᓯᐊᓂᖏᓐᓂᒃ ᐱᖁᔭᓂᒃ. ᑌᓗᒋᑦ, ᑖᓐᓇ ᐱᓇᓱᕝᕕᒃ ᐃᓚᐅᓲᖑᕗᖅ ᐊᖏᖃᑎᒌᒍᑎᖃᕐᓂᒧᑦ ᐊᒻᒪᓗ ᐊᓪᓚᓯᒪᔪᓕᐅᕐᓂᒧᑦ ᐊᖏᖃᑎᒌᒍᑎᓂᒃ ᐊᑦᑐᐊᔪᓂᒃ ᑲᕙᒪᑐᖃᒃᑯᑦ ᐊᒻᒪᓗ ᑯᐯᒃᑯᑦ ᑲᕙᒪᖓᑕ ᐱᓇᓱᕝᕕᖏᓐᓄᑦ ᐊᒻᒪᓗ ᑎᒥᖁᑎᖏᓐᓄᑦ. ᐊᑐᐃᓐᓇᕈᑦᑎᕆᓲᑦ ᑐᑭᑖᕈᑎᓂᒃ ᐊᒻᒪᓗ ᒪᓕᒐᓕᐅᕈᑎᓂᒃ ᐊᖏᕐᑕᐅᒋᐊᓕᓐᓂᒃ ᕗR(-ᑯᑦ ᑲᑎᒪᔨᖏᓐᓄᑦ ᐊᒻᒪᓗ ᑐᑭᑖᕈᑎᓂᒃ ᐊᖏᕐᑕᐅᒋᐊᓕᓐᓂᒃ ᐳᕐᑐᓂᕐᓴᓄᑦ ᑲᑎᒪᔨᓄᑦ. ᑖᓐᓇ ᐱᓇᓱᕝᕕᒃ ᐊᓪᓚᑎᐅᓲᖅ ᐱᓇᓱᑦᑏᑦ ᐊᖏᖃᑎᒌᓐᓂᖏᓐᓂᒃ ᐊᑎᓕᐅᕐᕕᐅᒋᐊᓕᓐᓂᒃ ᕗR(-ᑯᓄᑦ, ᑲᒪᔨᐅᑦᓱᓂᓗ ᐃᓘᓐᓇᓕᒫᖏᓐᓂᒃ ᐊᑭᑭᓕᐅᑎᓂᕐᒥᒃ ᐅᒃᑯᐃᓯᒍᑎᓂᒃ ᐃᓕᖓᔪᓂᒃ ᓂᐅᕕᕈᑎᓄᑦ ᐱᖁᑎᓂᒃ ᐊᒻᒪᓗ ᐱᑦᔪᔨᐅᑎᓂᒃ, ᐊᒻᒪᓗ ᓄᐃᑕᑦᓯᔨᐅᒻᒥᓱᓂ ᐱᖁᔭᓕᕆᓂᒃᑯᑦ ᐃᓱᒪᓕᐅᕐᓂᒥᒃ ᕗR(-ᑯᑦ ᑲᑎᒪᔨᖏᓐᓄᑦ, ᐳᕐᑐᓂᕐᓴᓄᓪᓗ ᑲᑎᒪᔨᓄᑦ ᐊᒻᒪᓗ ᑖᑦᓱᒪ ᑎᒥᐅᑉ ᐊᓯᐊᒎᕐᑐᓂᒃ ᐱᓇᓱᕝᕕᖏᓐᓄᑦ.
ᑕᒪᒃᑯᐊ ᐱᓇᓱᐊᑦᓭᑦ ᖁᓛᒍᑦ, ᑖᓐᓇ ᐱᓇᓱᕝᕕᒃ ᐊᐅᓚᑦᓯᔨᐅᒻᒥᔪᖅ ᓴᑑᑎᑦᓴᑎᒍᑦ ᐊᓪᓚᖁᑎᖏᓐᓂᒃ ᕗR(-ᑯᑦ ᐊᒻᒪᓗ ᐅᑭᐅᕐᑕᑐᒥᐅᑦ ᓄᓇᓕᖏᑕ. ᑎᒍᒥᐊᕐᒥᔪᖅ ᑲᒪᔨᐅᓂᕐᒥᒃ ᐱᖁᔭᓕᕆᓂᒃᑯᑦ ᐊᑦᑐᐊᔭᖏᓐᓂᒃ ᐊᒻᒪᓗ ᐊᐅᓚᑦᓯᔨᖃᕐᓂᒧᑦ ᐊᒻᒪᓗ ᑲᕙᒫᐱᑎᒍᑦ ᑮᓇᐅᔭᓕᕆᓂᑉᒧᑦ ᐊᑦᑐᐊᓂᖏᓐᓂᒃ ᐱᓪᓗᑯᒋᐊᓕᓐᓄᑦ ᐃᑲᔪᕐᑐᓂᐅᑉ ᐱᒥᐊᕈᑎᖓᑕ. ᑖᓐᓇ ᐱᓇᓱᕝᕕᒃ ᐊᐅᓚᑦᓯᒥᔪᖅ ᐱᓂᕐᓘᑎᓂᒃ ᑲᒪᓂᕐᒧᑦ ᐊᓪᓚᕕᒻᒥᒃ, ᐱᓂᕐᓘᑎᓄᑦ ᐋᓐᓂᑕᐅᒪᔪᓂᒃ ᐃᑲᔪᕐᓯᒪᕕᒻᒥᒃ ᐊᒻᒪᓗ ᐃᓄᐃᑦ ᓄᓇᓕᒻᒧᑦ ᐃᓚᐅᓕᒃᑲᓂᕐᓂᖏᓐᓂᒃ ᑲᒪᔩᑦ ᐱᓂᐊᕈᑎᖓᓂᒃ.
ᑭᖑᓪᓕᐹᖅ, ᐱᓇᓱᕝᕕᒃ ᐃᑲᔪᓲᖑᒻᒥᔪᖅ ᒪᑭᕝᕕᒥᒃ ᑲᔪᓯᓕᕐᑎᕆᓂᒃᑯᑦ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᐅᑉ ᐃᓚᖏᓐᓂᒃ ᐊᒻᒪᓗ ᓄᐃᑦᓯᒍᓐᓇᓱᓂ ᐋᕐᕿᒋᐊᖁᔨᐅᑎᓂᒃ ᑯᐯᒃᑯᑦ ᑲᕙᒪᒃᑯᖏᓐᓄᑦ ᐱᖁᔦᑦ ᐱᑦᔪᑎᒋᓗᒋᑦ, ᐱᓗᐊᕐᓱᒍ ᐱᖁᔭᖅ ᐱᑦᔪᑎᓕᒃ ᐅᑭᐅᕐᑕᑐᒥᐅᑦ ᓄᓇᓕᖏᓐᓂᒃ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ (ᑲᑎᕕᐅᑉ ᐱᖁᔭᖓ), ᑖᓐᓇ ᓂᐳᕐᑎᓯᑦᓯᐊᓂᕐᓴᐅᖁᓗᒍ ᑭᙴᒪᓇᕐᑐᓂᒃ ᓄᓇᕕᒻᒥᐅᓄᑦ.
ᑮᓇᐅᔭᕐᑑᑏᑦ ᐱᓇᓱᕝᕕᐅᑉ ᐊᐅᓚᓂᖓᓄᑦ ᐊᒧᓚᔪᑦ ᐊᖏᖃᑎᒌᒍᑎᓂᒃ ᐊᑦᔨᒌᙱᑐᓄᑦ ᑲᕙᒪᒃᑯᑦ ᑎᒥᖏᓐᓄᑦ ᐊᑦᑐᐊᔪᓂᒃ, ᐃᓚᐅᑎᓪᓗᒍ ᐊᖏᖃᑎᒌᓐᓂᖅ ᐱᑦᔪᑎᓕᒃ ᐃᓗᐃᒃᑲᓂᒃ ᑮᓇᐅᔭᕐᑖᑎᑦᓯᓂᕐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ (ᓯᕗᓂᕐᒧᑦ ᐊᖏᖃᑎᒌᓐᓂᖅ), ᐊᒻᒪᓗ ᐊᓪᓚᕕᓕᕆᓂᕐᒧᑦ ᐊᑭᓖᑎᑦᓯᐅᑏᑦ ᕗR(-ᑯᑦ ᐊᑭᓕᕐᑕᐅᑎᓲᖏᑦ ᐊᑐᕐᓱᑎᒃ ᐊᑦᔨᒌᙱᑐᓂᒃ ᐊᖏᖃᑎᒌᒍᑎᓂᒃ ᑖᑦᓱᒪ ᑎᒥᐅᑉ ᑎᒍᒥᐊᕐᑕᖏᓐᓂᒃ ᑕᒣᓐᓂ ᐳᕐᑐᓕᕇᓐᓂ ᑲᕙᒫᓐᓂ.
