ᐃᓘᓐᓈᒎᕐᑐᑦ ᖃᐅᔨᒪᔭᑦᓭᑦ
ᑕᒪᑐᒪ ᓄᓇᐅᑉ ᐃᓄᑦᑕᖏᑦ ᐃᓕᑕᕐᓇᐳᑦ ᐅᕕᒐᕐᓂᒥᓄᑦ ᐊᒻᒪᓗ ᑌᒪᙵᓕᒫᖅ ᐊᒥᓱᙳᐸᓪᓕᐊᓂᕐᒥᓄᑦ. ᑕᒪᓐᓇ ᐱᐅᓯᐅᑎᓪᓗᒍ, ᓱᖃᑦᓯᓂᕐᒥᒃ ᐱᓇᓱᕝᕕᒃ ᐊᑑᑎᖃᓲᖑᕗᖅ ᐊᖏᔪᐹᓗᒻᒥᒃ, ᑫᓪᓗᐊᑎᐅᑦᓱᓂ ᖃᓄᐃᓐᓇᖏᑦᑐᒥᒃ ᐊᒻᒪᓗ ᓂᒪᑉᐸᓱᓂ ᐃᓅᓯᖃᕐᓂᒥᒃ, ᐊᒻᒪᓗ ᓄᐃᑕᑦᓯᕙᒻᒥᓱᓂ ᐊᑦᔨᒌᙱᑐᓂᒃ ᐱᙳᐊᓂᒃᑯᑦ ᐊᒻᒪᓗ ᓱᖃᑦᓯᓂᒃᑯᑦ ᐊᑐᕐᑕᐅᔪᑦᓴᓂᒃ. ᑕᒪᓐᓇ ᑐᕌᒐᖓ ᓂᐳᕐᑎᑕᐅᓲᖅ ᒪᕐᕈᐃᓂᒃ ᐱᐅᓯᖃᕈᑕᐅᑦᓱᓂ. ᓯᕗᓪᓕᒥᒃ, ᑖᓐᓇ ᐱᓇᓱᕝᕕᒃ ᒪᓂᑎᕆᓲᖅ ᐱᓪᓗᑯᒋᐊᓕᑎᒍᑦ ᐃᑲᔪᕐᓯᒪᓂᕐᒥᒃ ᐱᙳᐊᓂᓕᕆᔨᖏᓐᓄᑦ ᐊᒻᒪᓗ ᓴᖑᐊᑦᓯᔨᒐᓚᖏᓐᓄᑦ ᐊᑐᓂ ᓄᓇᓕᐅᑉ ᐃᓗᐊᓂ. ᑐᖓᓕᐊᒍᑦ, ᑲᔪᓯᓕᕐᑎᕆᔨᐅᓲᖅ ᐊᑕᐅᓯᐅᙱᑐᓂᒃ ᓄᓇᓕᒫᒧᑦ ᐊᑐᕐᑐᓂᒃ ᐱᓂᐊᕈᑎᑦᓴᔭᓂᒃ. "ᐱᒻᒪᕆᐅᓂᕐᐹᑦ ᑖᒃᑯᓇᓂ ᐅᑯᐊᒍᕗᑦ ᐅᑭᐅᒥ ᐱᙳᐊᓂᒻᒪᕆᒃ, ᓯᕿᓂᖅ ᐃᓕᓐᓂᐊᑎᑦᓯᓂᖅ ᐊᒻᒪᓗ ᓄᓇᕕᒻᒥ ᐊᐅᔭᕐᒥᒃ ᐊᐅᓪᓛᓯᒪᑎᑕᐅᔪᑦ ᑮᓇᐅᔭᕐᑑᑎᖏᑦ."
ᑖᓐᓇ ᐱᓇᓱᕝᕕᒃ ᑮᓇᐅᔭᕐᑖᑎᑕᐅᓲᖅ ᐊᑐᕐᑐᓴᓂᒃ ᑕᖏᕐᒥᒍᑦ ᐊᐅᓚᓂᖏᓐᓄᑦ ᐊᒻᒪᓗ ᐱᓇᓱᐊᒐᖏᓐᓄᑦ ᐊᕐᖁᑎᖃᕐᓱᑎᒃ ᐊᖏᖃᑎᒌᓐᓂᒥᒃ ᐱᑦᔪᑎᓕᒻᒥᒃ ᐃᓗᐃᒃᑲᓂᒃ ᑮᓇᐅᔭᕐᑎᑦᓯᓂᕐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ (ᓯᕗᓂᕐᒧᑦ ᐊᖏᖃᑎᒌᓐᓂᒥᒃ). ᐱᒋᐊᕐᓚᑐᑦ ᑮᓇᐅᔭᕐᑑᑎᑦᓭᑦ ᑎᒍᒍᓐᓇᐸᒻᒥᔪᑦ ᑐᕌᕐᓱᑎᒃ ᐱᑦᔪᑎᓪᓗᑯᓕᓐᓄᑦ ᐱᓂᐊᕈᑎᓄᑦ ᐱᑎᓪᓗᒋᑦ ᐅᖓᓗᒃ ᐱᓂᐊᕈᑎᒥᒃ ᐊᑦᑕᓇᙱᓂᕐᓴᓂᒃ ᓄᓇᓕᖃᕐᓂᒧᑦ, KRG-ᑯᑦ ᐱᓇᓱᒐᖃᕐᓂᒥᒃ, ᐱᒋᐅᕐᓴᓂᕐᒥᒃ, ᑮᓇᐅᔭᕐᑖᓂᒃᑯᑦ ᓴᐳᒻᒥᓂᕐᒥᒃ ᐊᒻᒪᓗ ᐱᐊᕋᕐᓂᒃ ᐯᕆᑦᓯᓂᕐᒥᒃ ᐱᓇᓱᕝᕕᖓᓂᒃ, ᓄᓇᕕᒻᒥ ᓄᓇᓕᓕᒫᑦ ᑲᑎᒪᔨᖏᓐᓂᒃ ᐃᓗᓯᓕᕆᓂᕐᒧᑦ ᐊᒻᒪᓗ ᐃᓄᓕᕆᓂᒃᑯᑦ ᐱᑦᔪᔨᓂᕐᒧᑦ, ᓴᐳᑏᑦ ᐅᕕᒃᑫᑦ ᑲᑐᑦᔨᖃᑎᒌᓐᓂᖓᓂᒃ ᐊᒻᒪᓗ ᒥᓂᔅᑕᒃᑯᓂᒃ ᐃᓕᓐᓂᐊᓂᕐᒧᑦ, ᓱᖃᑦᓯᓂᕐᒧᑦ ᐊᒻᒪᓗ ᐱᙳᐊᓂᕐᒧᑦ.
