ᐃᓘᓐᓈᒎᕐᑐᑦ ᖃᐅᔨᒪᔭᑦᓭᑦ
KRG-ᑯᑦ ᐊᒻᒪᓗ ᐅᑭᐅᕐᑕᑐᒥᐅᑦ ᓄᓇᓕᖏᑦ ᐊᐅᓚᑦᓯᕕᖃᕐᐳᑦ ᐃᓚᖏᓐᓂᒃ ᐊᑦᑐᐊᔪᓂᒃ ᓄᓇᒃᑯᑦ, ᖃᖓᑦᑕᔫᒃᑯᑦ ᐊᒻᒪᓗ ᐃᒪᒃᑯᑦ ᐊᐅᓚᒍᑎᓄᑦ, ᒪᓕᓪᓗᒍ ᐱᖁᔭᖅ ᐱᑦᔪᑎᓕᒃ ᐅᑭᐅᕐᑕᑐᒥᐅᑦ ᓄᓇᓕᖏᓐᓂᒃ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ. ᐃᖏᕐᕋᒍᑎᓕᕆᓂᕐᒥᒃ ᐱᓇᓱᕝᕕᒃ ᑌᒣᒻᒪᑦ ᐊᑦᑐᐊᖃᑕᐅᓲᖑᕗᖅ ᐊᑦᔨᒌᙱᑐᓂᒃ ᓄᓇᓕᒫᑎᒍᑦ ᐊᒻᒪᓗ ᓄᓇᓕᑦᑎᒍᑦ ᐊᐅᓚᒍᑎᓅᓕᖓᔪᓂᒃ, ᐃᓚᐅᑎᓪᓗᒋᑦ ᖃᖓᑦᑕᔫᓂᕝᕕᒥᒃ ᐊᐅᓚᑦᓯᓂᖅ, ᐃᖏᕐᕋᑎᑦᓯᓂᖅ ᐊᒻᒪᓗ ᒪᑭᑕᑦᓯᓂᖅ, ᐅᓯᔩᑦ ᐃᓄᑐᐃᓐᓇᓂᒃ- ᐊᒻᒪᓗ ᐃᓄᒃᑕᐅᑎᖓᔪᓄᑦ- ᐱᑦᔪᔨᒍᑎᖏᑦ, ᐊᒻᒪᓗ ᑕᕆᐅᒥ ᓇᑉᐸᑎᕐᓯᒪᔪᓂᒃ ᒪᑭᑎᑦᓯᓂᖅ. ᑕᒪᒃᑯᐊ ᐱᓇᓱᐊᕐᓂᖏᑦ ᐊᑭᓕᕐᑕᐅᓲᑦ ᑮᓇᐅᔭᓄᑦ ᐱᓯᒪᔪᓄᑦ ᐃᖏᕐᕋᒍᑎᓕᕆᔨᒃᑯᓂᒃ ᑳᓇᑕᒥ, ᒥᓂᔅᑕᒃᑯᓂᒃ ᐃᖏᕐᕋᒍᑎᓕᕆᓂᕐᒧᑦ ᑯᐯᒃᒥ, ᐊᒻᒪᓗ ᐊᖏᖃᑎᒌᓐᓂᒥᒃ ᐱᑦᔪᑎᓕᒻᒥᒃ ᐃᓗᐃᒃᑲᓂᒃ ᑮᓇᐅᔭᕐᑖᑎᑦᓯᓂᕐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ (ᓯᕗᓂᕐᒧᑦ ᐊᖏᖃᑎᒌᓐᓂᒥᒃ), ᐊᒻᒪᓗ ᑰᑦᔪᐊᒥ ᑮᓇᐅᔭᕐᑖᓄᑦ ᓴᓇᔪᓄᑦ ᒥᕝᕕᒧᑦ ᒥᑦᑐᓂᒃ ᐊᒻᒪᓗ ᖃᖓᑦᑕᔫᕐᑐᑦ ᐃᓪᓗᔪᐊᖓᓂᒃ ᐊᑐᕐᑐᓂᒃ ᐊᑭᓖᑎᑦᓯᒍᑎᓄᑦ.
