ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐱᓪᓗᑯᒋᐊᓕᓐᓄᑦ ᐃᑲᔪᕐᓯᒪᓂᖅ ᑕᕐᕋᒥᐅᑦ ᓄᓇᓕᖏᓐᓂᒃ

ᑖᓐᓇ ᐱᑦᔪᔨᕕᒃ ᑐᓂᔨᖏᓐᓇᓲᖑᕗᖅ ᐱᓪᓗᑯᒋᐊᓕᓐᓄᑦ ᐃᑲᔪᕐᓯᒍᑎᓂᒃ ᑕᕐᕋᒥ ᓄᓇᓖᑦ ᐱᓇᓱᑦᑎᖏᓐᓄᑦ ᐊᑦᑐᐊᑎᓪᓗᒍ ᐃᓄᐃᑦ ᓴᑑᒪᓂᖓᓄᑦ ᐊᒻᒪᓗ ᐃᑯᐊᓪᓚᑌᓕᒪᓂᕐᒧᑦ ᓄᓇᓕᖏᑦᑕ ᐃᓗᐊᓂ. ᓱᓕᐅᒻᒥᔪᖅ, ᐊᕐᕌᒍᑕᒫᑦ ᐃᑯᐊᓪᓚᑐᕐᓂᐊᑏᑦ ᐊᖓᔪᕐᖄᖏᑦᑕ ᑲᑎᒪᓂᖓᑦ ᑲᔪᓯᑎᑕᐅᓚᐅᔪᒻᒥᔪᑦ ᐅᒃᑑᐱᕆᒥ. ᐃᑯᐊᓪᓚᑌᓕᒪᓂᐅᑉ ᐱᓇᓱᐊᕈᓯᖓᓂ ᓱᓕ ᐅᒃᑑᐱᕆᐅᑉ ᐃᓗᐊᓂ, ᑖᓐᓇ ᐱᑦᔪᔨᕕᒃ ᐃᑲᔪᖃᑦᑕᓚᐅᔪᔪᖅ ᓄᓇᓖᑦ ᐃᑯᐊᓪᓚᑐᕐᓂᐊᑎᖏᓐᓂᒃ ᑲᔪᓯᑎᑦᓯᑎᓪᓗᒋᑦ ᓯᕗᓂᓕᐅᕐᑕᐅᓯᒪᔪᓂᒃ ᐃᑯᐊᓚᒧᑦ ᐊᑦᑕᓇᕐᑌᓕᓂᐅᑉ ᐃᑉᐱᒋᔭᐅᓂᖓᓂᒃ ᐊᔭᐅᕈᑎᓂᒃ. ᐱᓇᓱᑦᑕᐅᓚᖓᑎᓪᓗᒋᑦ ᐋᕐᕿᓱᕐᑕᐅᓯᒪᔪᑦ ᐃᒻᒧᐊᓂ, ᐊᕐᕌᒍᑕᒫᑦ ᐃᑯᐊᓪᓚᕈᓀᓐᓂᒥᒃ ᕿᒥᕐᕈᒍᑏᑦ ᐃᓄᐃᑦ ᐃᓪᓗᖏᓐᓂ ᐱᒋᐊᕐᑎᑕᐅᓚᐅᔪᔪᑦ, ᐃᑯᐊᓪᓚᑌᓕᒪᓂᒃᑯᓗ ᐃᓱᒪᒋᔭᑦᓭᑦ ᐁᑦᑑᑕᐅᖃᑦᑕᓱᑎᒃ ᓄᓇᓖᑦ ᑐᓴᐅᑎᖏᑦ ᐊᑐᕐᓱᒋᑦ, ᐊᒻᒪᓗ ᐃᓕᓐᓂᐊᕖᑦ, ᐱᐊᕋᕐᓂᒃ ᐯᕆᑦᓯᕖᑦ ᐊᒻᒪᓗ ᐃᓅᓱᑦᑐᐃᑦ ᐃᓪᓗᔪᐊᖏᑦ ᐳᓛᕐᑕᐅᖃᑦᑕᓚᐅᔪᒻᒥᓱᑎᒃ ᑫᓪᓗᐊᕕᒋᑦᓱᒋᑦ ᐃᑯᐊᓚᒧᑦ ᐊᑦᑕᓇᕐᑌᓕᓂᐅᑉ ᑐᑭᖓᓂᒃ.