ᓂᕿᓄᑦ ᐊᓯᖏᓐᓄᓗ ᐱᓪᓗᑐᕆᐊᓕᓐᓄᑦ ᐃᑲᔪᕐᓯᒍᑏᑦ
    ᓂᕿᓯᒍᑏᑦ ᐊᓯᖏᓐᓂᓗ ᐊᑑᑎᖃᓪᓚᕆᑦᑐᓂᒃ ᐊᑭᑭᓪᓕᑎᕆᐅᑎᓲᑦ ᓄᓇᕕᒻᒥᐅᓕᒫᓄᑦ 15% ᐊᒻᒪᓗ 35%-ᓄᑦ ᓄᓇᕕᒻᒥ ᓂᐅᕕᕐᓂᐊᕕᐅᓲᓂ. ᑖᒃᑯᐊ ᐊᑭᑭᓪᓕᒋᐊᕈᑏᑦ ᓂᕿᓂᒃ ᐊᑭᑭᓪᓕᓕᐅᒥᑎᑦᓯᒍᑎᐅᒐᓱᐊᕐᑐᑦ ᓂᕿᐅᖕᖏᑐᓂᓪᓗ ᑯᐯᒻᒥ ᖃᓪᓗᓈᑦ ᓄᓇᖓᓐᓂ ᐊᑭᒋᔭᐅᓲᓄᑦ ᐊᑦᔨᐅᓕᕐᑎᓯᒋᐊᕈᑎᐅᑦᓱᑎᒃ. ᐊᑭᑭᓪᓕᒋᐊᕐᑕᐅᒍᓐᓇᑐᑦ ᒪᑯᐊ:
    • ᑏ, ᐸᑕ, ᐳᓐᓂᖅ ᓴᓇᐅᒐᕐᓗ/ᓂᕿᑦᓴᔭᕐᓗ;
    • ᐱᕈᕐᑐᕕᓃᑦ ᐃᒥᕃᓪᓗ ᐱᕈᕐᑐᕕᓃᑦ;
    • ᖁᒻᒧᔪᒻᒦᑐᑦ ᓂᖀᑦ, ᐱᕈᕐᑐᕕᓃᑦ ᐱᕈᕐᑐᔨᓃᓪᓗ ᓰᕐᓇᑐᑦ;
    • ᐸᑖᕈᑏᑦ, ᐱᑕᕐᓴᖅ, ᐊᐅᐸᕐᑐᐊᓗᒃ ᐅᓪᓛᕈᒥᑕᑦᓴᔦᓪᓗ;
    • ᐱᐊᕋᕐᓅᓕᖓᔪᑦ, ᐅᕝᕙᐅᑏᑦ, ᐊᓐᓄᕌᕐᓂᐊᕈᑏᑦ ᐃᖂᑎᑦᓴᔦᓪᓗ;
    • ᐊᓐᓄᕌᑦ ᐃᑎᒐᑦᓯᐅᑏᓪᓗ;
    • ᓱᐴᔫᕐᓯᐅᑏᑦ, ᓯᑭᑑᑉ ᐅᕐᓱᕈᑎᖏᑦ ᕿᐊᕐᖑᔫᓪᓗ ᐅᕐᓱᕈᑎᖏᑦ.
    ᐃᓚᒌᓴᒃᑯᑦ ᓄᐊᑕᓐᑯᓪᓗ ᐊᑭᑭᓪᓕᑎᕆᐅᑎᑖᓲᑦ ᓄᓇᓕᓐᓂ, ᑰᒃᔪᐊᒥ ᓂᐅᕕᕐᕕᒃ ᐃᓚᐅᒻᒥᔪᖅ ᐅᕐᓱᐊᓗᓐᓂᓗ ᓂᐅᕕᐊᑦᓴᖃᓲᑦ ᓱᐴᔫᕐᓯᐅᑎᓂᒃ ᓯᑭᑑᑦ ᕿᐊᕐᖑᔫᓪᓗ ᐅᕐᓱᕈᑎᖏᓐᓂᒃ. ᐊᑭᑭᓪᓕᑎᕐᑕᐅᓯᒪᔪᑦ ᓇᓗᓀᒃᑯᑕᖃᓲᑦ (ᑐᖑᔪᕐᑕᓂᒃ) ᖁᓕᕈᐊᒦᑦᓱᑎᒃ ᖃᐅᔨᒋᑦᐊᓯᐊᕈᒪᒍᑦᓯ ᓄᓇᓕᑦᓯᓂ ᓂᐅᕕᕐᓂᐅᕕᐅᑉ ᑲᒪᔨᒻᒪᕆᖓᓄᑦ ᐊᐱᕆᒍᓐᓇᒥᔪᓯ.

    ᓂᕿᓄᑦ ᐊᓯᖏᓐᓄᓪᓗ ᐊᑐᕐᑕᐅᓲᓄᑦ ᐱᓇᓱᐊᕐᓂᐅᔪᑦ: ᓇᓗᓀᕐᑕᐅᓯᒪᕗᑦ ᐊᑭᑭᓕᒋᐊᕐᑕᐅᓯᒪᔪᑦ ᓇᓪᓕᐊᖑᒻᒪᖔᑕ

ᐅᑎᕐᕕᒋᓗᒋᑦ ᐊᑭᑐᔪᒥᐅᒍᓂᕐᒧᑦ ᑲᑕᑦᔫᒥᑎᑦᓯᒋᐊᕐᓂᒧᑦ ᖃᓄᐃᓕᖓᒋᐊᕈᑎᓄᑦ